Ataqty Roza Rymbaeva Semeı ákiminen kórgen qorlyǵy jaıynda aıtty, dep habarlaıdy Qamshy.kz aqparat agenttigi KTK jańalyqtaryna silteme jasap.

Halyqtyń súıiktine qysym jasaǵan! Qazaq estradasynyń jaryq juldyzy Roza Rymbaeva Semeı ákiminen bes jyl boıy qysastyq kórgenin aıtty. Týǵan jerine konsert qoıýǵa barǵan Roza Qýanyshqyzy roıáldiń joqtyǵyn synaımyn dep basy bálege qalǵan.

- Osyny sahnada aıtamyn dep  bálege qaldym! 5 jyl qalaǵa kirgizbedi, dedi Roza Rymbaeva Semeı qalasynda ótkizgen keshinde.

Sahnadan aıtylǵan synǵa shydaı almaǵan sheneýnik Halyq ártisin Semeıge keltirmeı qoıypty. Bul týraly Roza Qýanyshqyzy osy óńirdegi konserti kezinde aıtyp berdi. Biraq, naqty qaı shendi ekenin atyn atap, túsin tústemedi. Dese de, sol atqaminerdiń kesirinen halyqtyń súıiktisi Semeı óńirine gastról túgili, tipti qydyryp ta kele almaǵanyn aıtýda. Tek ákim aýysqan soń ǵana araǵa bes jyl salyp baryp týǵan jerine jetken. Jalpy, óner adamdary sheneýnikterden jıi qysastyq kóredi eken. 

Sondaı-aq ánshi, ári aktrısa Merýert Túsipbaeva da ózi týǵan Pavlodar oblysynyń sheneýniginen qysym kórgenin, búginde ol óńirge barmaıtynyn aıtty.