4 jeltoqsan kúni Almatyda "Ashyq qoǵam - ashyq búdjet" degen atpen ótedi dep josparlanǵan jas aqyndar aıtysy ótpeıtin boldy dep habarlaıdy Qamshy.kz aqparat agenttigi www.azattyq.org-qa silteme jasaı otyryp.

Uıymdastyrýshy "MedıaOrda" qoǵamdyq qorynyń ókili Asqar Bekovtiń  aıtýynsha, aıtys ótkizý týraly jasalynǵan kelisimshart qaıta buzylǵan. "Alataý" dástúrli óner teatrynyń basshylary da, "Qazaqkonsert" zaly basshylary da alǵashqyda aıtysty ótkizýge qoldaý bildirip, kelisimshartqa jasasyp, zaldyń jalǵa berý qarjysyn alǵan. Biraq aıtysqa birneshe ǵana kún qalǵanda qoldaý bildire almaıtyndaryn jetkizdi.

- Kelisimshartty úzip, sebep saldaryn túsindirip, qarjymyzdy qaıtardy. Degenmen úlken ókinish qaldy. Texnıkalyq aqaýlardy alǵa tartyp, aıtysty ótkizýge eshqandaı múmkindik joq ekenin túsindirgen "Alataý" dástúrli teatr basshylary basqa sharalardy oıdaǵydaı ótkizip jatyr. Al, "Qazaqkonsert" ujymy mınıstrliktiń is-sharasy ótetinin alǵa tartyp, kelisimshartty buzdy, - deıdi Asqar Bekov Azattyqqa.

Uıymdastyrýshylar aıtysty ótkizbeý úshin "Alataý" dástúrli óner teatry men "Qazaqkonsert" zalynyń basshylyǵyna arnaıy nusqaý túsken bolýy múmkin dep boljaıdy. "Alda birinshi jeltoqsan, onan keıin táýelsizdik kúni kele jatyr, bálkim, seskengen bolar" deıdi Asqar Bekov.