Polısıa Zelenogradtaǵy zeınetker oqýshy nemeresin sýısıdke deıin jetkizdi degen aqparatty tekserip jatyr.
G.E. Sýharev atyndaǵy balalar men jetkinshekterge arnalǵan psıhıkalyq saýlyǵy ǵylymı-tájirıbelik ortalyǵynda áldenege alańdap otyrǵan áıel otyr. Onyń esimi Natalı. Ol 17 jastaǵy balasy Fedordyń jaǵdaıyn bilý úshin dárigerdi kútip júr. Sońǵy jyldary Natalıdyń basynan túrli jaǵdaı ótti. Onyń balasy dári iship ózine qol jumsamaq bolǵan. Qyzdardyń biri stressten endi ǵana aıyǵyp keledi. Natalı bolǵan jaǵdaıǵa enesi Margarıta Bobkovany aıyptady.
Sońǵy kezderi Fódor ájesimen birge turdy. Otbasylyq jınalysta solaı sheshilgen. Tústen keıin Natalı enesine qońyraý shaldy. Enesi úıge dereý kelip, Fedordy alyp ketýdi talap etken bolatyn. Biraq ýaqyt óte kele tynyshtaldy. Telefon shalmaıtyn boldy. Natalı esh ýaıymdamastan eki qyzymen Zelenogradtaǵy jaldap turatyn bir bólmeli úıine bardy. Onda da ony jaǵymsyz jańalyq kútip turǵan edi. 14 jastaǵy úlken qyzy Sofıa áleýmettik jelide bireý tynyshtyq bermeıtinin aıtady. Bul jaǵdaıdy talqylap úlgermesten Fedor qońyraý shaldy. Natalı jaman jaǵdaı bolǵanyn sezdi. Fedordyń daýsynan áldenege alańdap turǵanyn baıqaýǵa bolady. Ol áreń sóılep turǵan.
— «Fedá ájesi qaıtys bolǵan ákesiniń hattaryn oqyp, ony sókti. Men týraly jaman sózder aıtty. Endi maǵan ómir súrýdiń qajeti joq». Ol ájesiniń dárilerin iship alǵanyn aıtty, - dep kózine jas aldy Natalı.
Natalı enesiniń úıine qustaı ushyp jetti. Enesi jedel járdem shaqyryp, olar Fedordy aýrýhanaǵa alyp ketken eken. Onyń jaǵdaıy aýyr boldy. Anasy onyń artynan aýrýhanaǵa ketti.
— Kúni boıy enem habarlasyp, polısıaǵa barsań jumystan qýylasyń dep qorqytty, - deıdi Natalı.
Dárigerler Fedordy aman alyp qaldy. Jaqynda ony balalarǵa arnalǵan psıhologıalyq saýyqtyrý ortalyǵyna jetkizdi.
Natalıdiń boljamynsha, áleýmettik jelide Sofányń sońyna túsken adam enesi dep kúdiktenedi. Ol zańgerlerden keńes alyp, enesiniń ústinen aryz jazdy. Natalı polıseılerge aýdıo jazbalar men habarlamalardy sýretke túsirip tergeýshilerge tapsyrdy. Qazir sotqa deıingi tekserý jumystary bastaldy.
Ótken ómir qaıtyp oraldy
Natalı bolashaq jarymen 17 jyl buryn tanysty. Zelenogradtyq mýzykant Alekseı ekeýi bir kórgennen bir-birine ǵashyq boldy. Kór uzamaı Natalı júkti boldy. Alekseıdiń anasy Margarıta Bobkovaǵa Natalı unamady.
— Anasy balam Alekseıden emes ekenine senimdi edi, - deıdi Natalı.
Fedor dúnıege kelgende ákesi men ájesi kópke deıin kúdiktendi, biraq ýaqyt óte kele ony óz qany ekenin moıyndady. Natalı Alekseıdiń esirtki qabyldaıtynyn baıqady. Biraz ýaqyttan keıin ol esirtki mólsherin tym kóp paıdalanǵandyqtan kóz jumdy.
Natalı turmysqa shyǵyp, jańa kúıeýimen shetelge ketip qaldy. Taǵy eki qyz bosandy. Elge qaıta oralǵanda ol úsh balamen jalǵyz qaldy. Úı de, jumysta bolmady. Natalı Fedordy ájesimen qaldyrǵanyna ókinedi.
— Ol balamdy maǵan jáne qaryndastaryna qarsy qoıdy. Oǵan únemi til tıgizip, meniń materıaldyq jaǵdaıymnyń óte tómen ekenin aıtyp, menimen tek kedeıshilikti ómir súretinin aıtatyn, - deıdi Natalı.
Ájesi Fedorǵa ólgen ákesiniń hattaryn oqytyp otyrǵan. Biraq netken hattar, onda ne jazylǵany belgisiz. Ájesi de Fedor da ol hattar týraly lám-mım dep tis jarmaıdy. Natalıdyń oıynsha, ájesi balasynyń atynan hatty ózi jazyp, Fedorǵa oqytyp otyrǵan.
Eger Fedor ájesiniń kesirinen ózine qol jumsamaq bolǵany anyqtalsa, qylmystyq is qozǵalady. Ázirshe polısıa tekserý jumystaryn júrgizip jatyr. Eger ájesiniń kinási dáleldense 15 jylǵa deıin bas bostandyǵynan aıyrylýy múmkin.
