Atyraý oblystyq tótenshe jaǵdaılar departamentiniń málimetinshe, ekinshi qabattyń qulaýy saldarynan bir adam qaza taýyp, tórt adamdy kúıik shalyp aýrýhanaǵa jetkizilgen, - dep habarlaıdy Baq.kz atpress.kz-ke silteme jasap.
29 qarashada saǵat 21:38-de «Ardager» shaǵyn aýdanyndaǵy úılerdiń biriniń tóbesinen tútin shyǵyp jatqany týraly habarlama kelip túsken.
«Ardager» shaǵyn aýdanynda №4 kóshedegi eki qabatty úı órtengen. Úı ıeleriniń aıtýynsha, birinshi qabattaǵy garajda avtokóliktiń gaz fıltrin tazalap jatqanda jarylys bolǵan.
Úıindiniń astynan 1992 jyly týǵan áıel adamnyń denesi tabylǵan. Sonymen qatar, 1990 jáne 1991 jyly týǵan er adamdardyń denesin 13-15 % kúıik shalǵan (1-2 dárejeli), 1974 jyly týǵan áıeldiń denesin 14-15 % (2-3 dárejeli) jáne 1992 jyly er adamnyń 10-11 % denesin kúıik shalǵan (2-3 dárejeli).
Barlyq zardap shekkender Atyraý oblystyq aýrýhanasyna jetkizilgen. Órt saǵat 22:50-de sóndirildi. Órttiń ne sebepti shyqqany anyqtalyp jatyr. Órt sóndirýge 25 adam men jeti arnaıy tehnıka jumyldyrylǵan.
