Qazaqstan Respýblıkasy Prezıdentiniń «Altyn sapa» syılyǵyna SHQO Kýrchatov monoqalasynan úmitker bolyp otyrǵan «Sova» JSHS-i 1998 jyly qurylǵan. Bastapqyda ujym «Qazaqtelekom» AQ qurylymynan qysqaryp qalǵan mamandardan qurylǵan. Jańadan qurylǵan kásiporyn olardy qıyn kezeńde jumyspen qamtyp, turǵyndarǵa kópbeıindi emes jáne shyǵyna kóp bolsa da radıohabar, 4 habar taratý arnasyna eskirgen uqsamaly jabdyqty kabeldi televıdenıe sıaqty qyzmet túrlerin kórsetti.
SHQO Kásipkerler palatasyndaǵy uıym týraly óndiristi uıymdastyrýdaǵy ıkemdi tarıftik saıasat, naryqta suranysqa ıe jańa qyzmet túrlerin damytý sıaqty jańa tásil qoldaný arqyly «Sova» JSHS-ge shyǵynsyz jumys isteýge ǵana emes, seriktestiktiń tehnıkalyq turǵyda qaıta jaraqtandyrylýyna, sol arqyly qyzmet kórsetý deńgeıiniń sapasyn arttyryp, jańa tutynýshylar tartýǵa múmkindik alǵanyn aıtady.
Budan bylaı radıohabar jáne kabeldi telearna jelisindegi baǵdarlamalardy translásıalaý sapasynyń deńgeıi aıtarlyqtaı joǵary jáne usynylǵan talaptarǵa saı bolyp tabylady, sondaı-aq qyzmet kórsetý baǵasy qymbat emes bolǵandyqtan, kabeldik televıdenıeniń arnalar jıyntyǵyn ortasha tabysy bar kez kelgen ortasha statısıkalyq adam qosa alady.
Sonymen qatar, atalǵan syılyqqa úmitker top qala turǵyndarynyń kúndelikti turmystaryna qajetti kompúterde mátin terip berý, kserokóshirme, lamınattaý, keńse taýarlaryn satý, faksımıldi habarlama jiberý jáne alý, keńse taýarlary men basqa da ilespe taýarlardy satý sıaqty birqatar qyzmet túrlerin kórsetedi. Aty atalǵan qyzmet túrleriniń baǵasy qymbat emes, sol sebepti de qala turǵyndardyń suranysyna ıe.
«Sova» JSHS-i óz qarajaty esebinen qalada turatyn UOS ardagerlerin radıohabar men kabeldi televıdenıemen qamtamasyz etedi. Qalalyq madenı-sporttyq sharalardyń ótýine qarjylaı kómek kórsetedi. Jasóspirim men eresekterge arnalǵan «Bereg» demalys bazasyna da bul uıym televızıalyq spýtnıktik antena ornatyp bergen jáne ol únemi jumys jaǵdaıynda bolyp turady.
Kásiporyn dırektory Lúbov Semenınanyń belsendi ómir saltyn ustanatynyn, jańa jobalardy senimdi túrde qolǵa alyp, ony tabysty túrde iske asyratyn adam ekenin tilge tıek ete ketý kerek.
