SHQO ákimi Semeı oblys ortalyǵy bolady degen sybysqa túsinikteme berdi, - dep jazady Qamshy.kz

Bıyl jazda áleýmettik jelilerde Óskemen men Semeı qalalarynyń mártebesi ózgeredi degen sybys taraǵan bolatyn. Onda Semeı qalasy oblys ortalyǵy, al Óskemen óndiristik ortalyq bolady delingen. 

"Semeıge qatysty aıtsam, bul jaı sóz", — dedi ákim. 

Ahmetovtiń aıtýynsha, keı kezderi adamdar belgisiz bireýlerdiń jalpy aıtqan sózderin tutas bir pikirge balap jatady. Al bul durys emes. 

"Máslen, birneshe aqsaqal júginip, qaıtadan Semeı oblysyn qurý bastamasyn kóterdi. Biraq, munyń ekonomıkalyq jaǵynan da esh qajettiligi joq",- dedi ol.

Aıta ketsek, kóktemde Danıal Ahmetov "Men qalanyń barlyq máselelerin tolyqqandy bilemin dep aıta alamyn. Semeıde ınjenerlik komýnıkasıa júıesiniń jaǵdaıy múshkil. Búginde aǵyn sý aǵatyn qubyrdyń jobalaý-smetalyq qujattary daıyndalyp jatyr, sýmen jabdyqtaý, jylý jáne kárizdik júıeni jańǵyrtý boıynsha jumystar júrgizilýde. Bul qalaǵa bólinetin qarajat Óskemenniń búdjetinen áldeqaıda kóp, mundaı eshqashan bolǵan emes", — degen bolatyn.