Búgin Qazaqstan halqy Respýblıkamyzdyń Tuńǵysh Prezıdenti kúnin atap ótedi, dep habarlaıdy Qamshy.kz aqparat agenttigi.
2011 jyldyń 10 jeltoqsanynda Qazaqstan Respýblıkasynyń Parlament Senaty depýtattarynyń bastamasymen «Qazaqstan Respýblıkasyndaǵy merekeler týraly» QR Zańyna tolyqtyrý engizý týraly» QR Zańy qabyldanǵan bolatyn. Iaǵnı, dál sol ýaqytta 1 jeltoqsandy Qazaqstan Respýblıkasynyń Tuńǵysh Prezıdenti kúni etip belgiledi.
Táýelsizdikti armandaǵan babalarymyzdyń tilegi 1991 jyly qabyl bolyp, 1 jeltoqsanda Nursultan Ábishuly Nazarbaev Táýelsiz Qazaqstan Respýblıkasynyń Tuńǵysh Prezıdenti bolyp saılanǵan edi.
El tarıhyndaǵy tuńǵysh jalpyhalyqtyq saılaýda Nursultan Nazarbaevqa halyqtyń 98,78 paıyzy daýys berip, Memleket basshysy retinde tańdap aldy. Sodan beri 26 jyl ótip, osy aralyqta Qazaqstan álem moıyndaǵan memleketke aınaldy.
Qazaqstan Respýblıkasynyń tuńǵysh prezıdenti kúnin atap ótý – Qazaqstan Respýblıkasynyń prezıdenti — Nursultan Ábishuly Nazarbaevtyń memleketke sińirgen eńbegi men jetistigin taný maqsatynda uıymdastyrylǵan.
Tuńǵysh Prezıdent kúni elimizde keńinen atalyp ótedi. Al mereke qarsańyndaǵy aıtýly oqıǵalar arqyly Elbasynyń eren eńbegi aıshyqtala túsedi. Máselen, keshe Almaty qalasyndaǵy basty kóshelerdiń biri — Fýrmanovqa Nursultan Nazarbaevtyń esimi berildi.
