Qazaqstan Respýblıkasynyń Tuńǵysh Prezıdenti kúni qarsańynda Berlındegi Qazaq mádenıeti ortalyǵynda «Kóshbasshy joly: otty ózen» kórkem fılminiń kórsetilimi boldy, dep habarlaıdy Qamshy.kz aqparat agenttigi QazAqparatqa silteme jasaı otyryp. 

Shara bastalmas buryn germanıalyq Býndestagtyń 18-inshi shaqyrylymdaǵy depýtaty Genrıh Sertık pen Germanıadaǵy QR elshisi Bolat Núsipov sóz sóıledi.

Óz sózinde nemis saıasatkeri Prezıdentimizdiń táýelsiz Qazaqstannyń qalyptasýy men damýyndaǵy tarıhı úlesi  men  eldegi ultaralyq kelisimderdi qamtamasyz etýdegi, QR-dyń halyqaralyq arenadaǵy bedeliniń artýy jolyndaǵy eńbegin erekshe atap ótti.

«Keńes Odaǵy taraǵannan keıingi Qazaqstannyń eń basty artyqshylyǵy  halyqtar birligi men kelisimine qol jetkize alǵan myqty Kóshbasshysy boldy», - dedi 28 jyl buryn Qazaqstannan Germanıaǵa kelip, keıinnen nemis parlamentiniń KSRO-da týǵan jalǵyz múshesi atanǵan Genrıh Sertık.

Aıta keteıik, atalǵan shara Qazaqstannan qonys aýdarǵan nemisterdiń uıymdarymen birlese uıymdastyryldy.