Aqtóbelik jýrnalıs Elbasy týraly estelikter jınaǵynyń tolyq nusqasyn jazyp shyqty dep jazady 24.kz. Kitaptyń alǵashqy bólimi 2013 jyly 300 danamen jaryqqa shyqqan edi. Balnıaz Ajnıazov el aýzynan 10 jyl boıy Prezıdent týraly aqparat jınapty. Kitap «Ulylyqpen júzdesý: Elbasy men aqtóbelikter» dep atalady. Onda ár jyldary Nursultan Nazarbaevpen júzdesip, pikirlesken jandardyń estelik áńgimeleri jazylǵan. 500 aqtóbelik óz esteligimen bólisip, kezdesý sátterin aıtyp bergen. Odan bólek, jınaq avtory osy jyldar ishinde oblystyq, aýdandyq basylymdardy jibermeı qarap, Elbasy týraly maqalalardy tizip otyrǵan. Bıyl demeýshilerdiń kómegimen kitapty tolyqtyryp shyǵarýdyń sáti tústi.

Kitap avtory Balnıaz Ajnıazov:  Bul kisiniń eń birinshi qarapaıymdylyǵy, sol ýaqytta bastap, árkimniń ne oılap turǵanyn túsinetindigi. Bir aýyzdan aıtatyndary, tek osyndaı kisi 90-shy jyldardaǵy kúrdeli ýaqytta qıyndyqtan alyp shyqqan, endi mine bizdiń jarqyn bolashaǵymyzdy quratyn sol kisige baılanysty. Endi sol kisiniń esimi máńgi halyqtyń esinde qalady dep, olar osylaı bólisti oılaryn,-deıdi.