Nursultan Nazarbaev Ózbekstan Respýblıkasynyń Prezıdenti Shavkat Mırzıóevpen telefon arqyly sóılesti dep habarlaıdy Qamshy.kz aqparat agenttigi Aqorda baspasóz qyzmetine silteme jasaı otyryp.
Áńgime barysynda Ózbekstan kóshbasshysy Memleket basshysy Nursultan Nazarbaevty Qazaqstan Respýblıkasynyń Tuńǵysh Prezıdenti kúnimen quttyqtap, oǵan zor densaýlyq pen amandyq, jańa tabys tiledi.
Memleketter basshylary joǵary deńgeıdegi turaqty dıalogtar Qazaqstan men Ózbekstannyń keń aýqymdy baǵyttar boıynsha seriktestiktiginiń jemisti bolýynyń kepiline, sondaı-aq Ortalyq Azıadaǵy turaqtylyqty nyǵaıtýdyń jáne ózara is-qımyldy arttyrýdyń mańyzdy faktoryna aınalǵanyn erekshe atap ótti.
