Belgili aıtysker aqyn Aınur Tursynbaeva Láılá Sultanqyzy júrgizetin "The Efır" jobasynda tabysy, 34 kóligi jáne psıhologıaǵa degen qyzyǵýshylyǵy jaıly áńgimeledi, - dep habarlaıdy Tengrinews.kz. Aıtysker aqyn tabys kózi jaıly suraqqa naqty jalaqy alyp otyrǵan jeri joq ekenin aıtty. "Jasym 40-qa kelip qaldy, men áli kóp jerde turaqty jumys jasaǵan joqpyn. Aıtysty meniń kásibim eken dep oılaıtyndar bar, al aıtys meniń ómirim, aıtyssyz ómir súre almaımyn. Aıtysker aqyndardyń barlyǵyn óz otbasym sıaqty qabyldaımyn. Basty kún kórisim osy aıtysta dombyrammen kún kóremin dep aıtý kerek shyǵar. Aıtysqa shyǵamyn, toılarǵa shyǵamyn", - deıdi Tursynbaeva. 

Munyń aldynda Láılá Sultanqyzymen The Efır jobasyna belgili ázilkesh, shoýmen Tursynbek Qabatov, bokstan Olımpıada chempıony Danıar Eleýsinov jáne "KeshYou" eks-solısi Aqbota Seıitmaǵambet qonaq bolǵan edi.  Aıta ketsek, bul jobanyń maqsaty - tanymal tulǵalardy jańa qyrynan kórsetý, olar týraly jańa málimetterdi oqyrmanǵa usyný.