Búgin Astanada "100 jańa esim" jeńimpazdarymen kezdesip jatqan Elbasy Nursultan Nazarbaev jas blogerdiń hatyna tánti bolǵanyn aıtty, dep habarlaıdy Qamshy.kz aqparat agenttigi Sputnik Qazaqstan saıtyna silteme jasaı otyryp.
«Men bir jas blogerdiń hatyn oqydym. Ol osy jyldar ishinde men tórt nárseni aıtqym keledi degen. Birinshisi – táýelsizdiktiń jarıalanýy men shekaranyń belgilenýi. Ekinshisi – naryqtyq reformalar men jekeshelendirýge tezirek ótkizý. Osynyń arqasynda myńdaǵan kásipker jumysyn bastady. Úshinshiden, kópultty qoǵamda kelisim men turaqtylyq ornady. Tórtinshiden, álemde Qazaqstannyń jaýy joq, bárimen dospyz. Men jetistikterdi onnan bastap jıyrmaǵa deıin aıta berer edim. Biraq jas blogerdiń tórt artyqshylyqty qalaı ǵana tap basyp aıtyp bergenine tańǵaldym», — dedi Prezıdent.
Aıta ketsek, "Qazaqstannyń 100 jańa esimi" jobasy eldiń damýyna eleýli úles qosqan talantty jandardy tanytýdy maqsat etedi. Qazaqstannyń kez kelgen azamaty ótinish jiberý arqyly óziniń tabysqa jetý tarıhymen bólisýge múmkindik aldy.
