SHQO-da «Govorıt kak Nazarbaev»  (Nazarbaev sıaqty sóıleý) atty kitaptyń tusaýkeseri ótti. Týyndynyń avtory S. Amanjolov atyndaǵy Shyǵys Qazaqstan memlekettik ýnıversıtetiniń dosenti Lúsıa Ildarovna Abdýllına, dep jazady Qamshy.kz aqparat agenttigi. 

Lúsıa Ildarovna -160-qa jýyq ǵylymı jumystardyń avtory jáne fılologıa ǵylymdarynyń doktory, ol atalmysh kitaptyń mańyzdylyǵyna toqtalyp: «Búgingi tańda sheshendik óner kásibı iskerliktiń kez kelgen tusynda qajet. Halyq aldynda joǵary deńgeıde sóz bastaý kásibı satydaǵy jetistiń kepili. Meniń tereń túsinigimshe, bizdiń Prezıdenttiń sóz saptaýynyń ózindik máneri bar. Sózdiń keremet kúshti energıasy bar, ol bizdiń árekettiń qanshalyqty nátıjeli bolýyna sebepker bolady. Sondyqtan, bizdiń bárimizge jatyq ári sheshen sóıleý óte mańyzdy dep oılaımyn», -dedi. 

Al bıblıograf Ásel Omarovanyń baǵalaýynsha, «Govorıt kak Nazarbaev» kitaby komýnıkasıa teorıasynyń negizgi qaǵıdalaryna, sóıleý ádebi men iskerlik rıtorıkaǵa súıenip jazylǵan. Onda Nursultan Nazarbaevtyń oratorlyq sheberligi qandaı formýla arqyly quralǵany aıqyndalady. 

«Nursultan Nazarbaev bizdi jańa ıdeıalardy tabýymyzǵa qanattandyrady. Ol bizdiń kóshti jańa myńjyldyqqa qulshynyspen bastap keledi», dedi Ásel Omarova.