"Qazaqstannyń 100 jańa esimi" jobasynyń qatysýshylarymen kezdesken Elbasy Nursultan Nazarbaev ómirlik jardy qaıdan izdeý kerektigin aıtty, — dep habarlaıdy Qamshy.kz aqparat agenttigi Sputnik Qazaqstan saıtyna silteme jasaı otyryp.
«Qazir jigitter qyzben tanysqysy kelse, dıskotekaǵa barady. Dańǵaza mýzykadan bir-birińdi estimeısiń. Aıǵaılap sóıleýge týra keledi. Qaı salaǵa qyzyǵýshylyq tanytsań, sol saladaǵy qyzben tanysý kerek. Eger eki adam birge bir maqsatty kózdese – onda isteri alǵa basady», — dedi Elbasy.
Osy oraıda prezıdent er adamdarǵa keńes berdi.
«Biz de minezimizdi ózgertýimiz qajet. Turmystaǵy zorlyq-zombylyq áıelge qatysty bolatynyn únemi aıtamyz. Áli kúnge deıin keıbir elde áıelderdiń quqyǵy joq. Biraq álem basqasha damyp jatyr. Nege batysta erler men áıelder otbasyn kesh qurady? Sebebi, áıel táýelsiz bolýdy qalaıdy, qarjy jaǵynan kúıeýine táýeldi bolǵysy kelmeıdi. Olar mansap qýyp bolǵan soń, otbasyn qurady. Ekeýi de qabiletti, ekeýi de ózderi ómir súre alady», — dedi Elbasy.
