Birinshi jeltoqsannan bastap qysqy dóńgelegi salynbaǵan kólikpen júrýge tyıym salynady, dep jazady Qamshy.kz aqparat agenttigi. Bul týraly Qazaqstan İİM ákimshilik polısıa komıteti habarlady.
Qysqy ýaqytta, birinshi jeltoqsannan bastap aqpannyń sońyna deıin, "M+S", "M&S", "M S" belgileri bar, taý jáne qar belgisi beınelengen qysqy dóńgelekter salynbaǵan kólikpen júrýge tyıym salynady.
Dóńgelegin ýaqytyly aıyrbastamaǵan júrgizýshilerge zań júzinde 5 AEK, ıaǵnı 11 345 teńge aıyppul salynady.
Aıyppuldan bólek, kólik ıesi memlekettik nómirinen de aıyrylyp qalýy múmkin.
Al «Shıpy» belgisin qoıý árkimniń óz erkinde. Qazanda Qazaqstannyń jol júrý erejelerine tıisti ózgertýler engizilgen.
Aıta ketetin bolsaq, birinshi maýsymnan bastap barlyq kólikter dóńgelekterin jazǵy dóńgelekke aıyrbastaýy tıis. Maýsymaralyq kezeńde avtokólik ıesine qolaıly, aýa raıy jaǵdaıyna saı keletin dóńgelekke ruqsat beriledi.
