Osydan eki apta buryn úıinen qashyp ketken 14 jastaǵy qyzdy tártip saqshylary taýyp, úıine qaıtardy, dep habarlaıdy Qamshy.kz aqparat agenttigi patrul.kz-ke silteme jasap.

14 qarashada Eskeldi aýdanynyń polısıasyna Baqtybaı aýylynda turatyn otbasylyq jup shaǵymdandy. Olar ózderiniń kámelet jasqa tolmaǵan qyzdarynyń joǵalyp ketkeni jaıly habarlady.

Osyǵan qatysty jaǵdaılardy zertteı otyryp, polıseıler oqýshynyń 12 qarashada Taldyqorǵan qalasynda joǵalǵanyn anyqtady. Bunda ol ata-anasymen birge kelgen eken. Sonymen qatar tergeýshilerge bul oqýshy qyzdyń únemi úıden qashyp ketetini jáne qańǵybastyqqa bir taban jaqyn ekeni málim boldy. Muǵalimder men ıývenaldy polısıa qyzmetkerleri de bul jaıly habardar eken.

Eskeldi aýdanynyń polıseıleri oblystyq ortalyqtaǵy áriptesterimen birge aýqymdy izdeý jumystaryn uıymdastyrdy. Nátıjesinde oqýshy qyzdy olar qarashanyń 28-nen 29-na qaraǵan túni Taldyqorǵandaǵy oıyn-saýyq ortalyqtarynyń birinen tapty.

«Jasóspirim kóptegen qurbylarynyń úılerinde qydyryp júrgenin jáne aldaǵy ýaqytta ata-anasyna oralatyn oıy bolmaǵanyn aıtty. Qashqyn qyz Eskeldi AİİB-ne jetkizilip, sol jerge shaqyrtylǵan ata-anasynyń qolyna tapsyryldy», - dep baıandady Almaty oblysy İİD-iniń baspasóz qyzmeti.

Iývenaldy polısıa ókilderi oqýshymen kezekti profılaktıkalyq áńgime júrgizdi.