Qazaqstan Respýblıkasynda ÚEU men memlekettiń ózara is-qımylyn damytý jónindegi 2020 jylǵa deıingi Ulttyq josparǵa ózgerister engizildi dep habarlaıdy Qamshy.kz aqparat agenttigi.

Ulttyq josparǵa Memleket basshysynyń «Rýhanı jańǵyrý» baǵdarlamalyq maqalasynyń basymdyqtaryn iske asyrý jónindegi sharalar engizilip otyr. Osylaısha, QR Din isteri jáne azamattyq qoǵam mınıstrligi «Jomart júrek», «Áleýmettik bastamalar kartasy» jáne «Týǵan jerge taǵzym» aksıalary sıaqty áleýmettik jobalardy iske asyratyn bolady.                  Atalǵan is-sharalar turǵyndardy, úkimettik emes uıymdardy,   kásipkerlerdi jáne eriktilerdi kishi Otanyn (týǵan jerin damytýǵa) qoldaý kórsetýge, sondaı-aq jergilikti turǵyndardyń ózekti máselelerin sheshýge úles qostyrýǵa baǵyttalǵan.

Josparǵa sáıkes, memleket pen úkimettik emes uıymdar arasyndaǵy salalyq yntymaqtastyqty keńeıtý, qoǵamdyq monıtorıń pen baqylaý júıesin damytý, qaıyrymdylyq jáne áleýmettik jaýapkershilikti damytý mádenıetindegi úkimettik emes uıymdardyń rólin arttyrý sıaqty birqatar sharalar júzege asyrylatyn bolady.

Bul rette memlekettik organdardyń úkimettik emes uıymdarmen turaqty kezdesýlerin ótkizý, ÚEU-men ózara is-qımyl jónindegi úılestirý keńesiniń otyrysy, «ASAR» úsh jaqty yntymaqtastyq forýmy, qoǵamdyq keńesterdiń májilisi jáne basqa da is-sharalardy ótkizý tájirıbeleri jalǵasatyn bolady.

Jalpy alǵanda, Jospardyń iske asyrylýy ÚEU men memlekettiń ózara is-qımylynyń jańa tásilderin ázirleýge, ÚEU-ǵa halyqtyń áleýmettik qyzmetteriniń sapasyn jaqsartýǵa jáne olardyń qarjylyq turaqtylyǵyn arttyrýǵa múmkindik beredi.

Esterińizge sala keteıik,  Qazaqstan Respýblıkasynda ÚEU men memlekettiń ózara is-qımylyn damytý jónindegi ulttyq jospar Qazaqstan Respýblıkasy Úkimetiniń 2015 jylǵy 21 qarashadaǵy № 155-r qaýlysymen bekitilgen.