Sınoptıkter jeltoqsan aıyna arnalǵan konsýltatıvtik aýa raıy boljamyn jarıa etti, - dep habarlaıdy Qamshy.kz aqparat agenttigi Tengrinews.kz-ke silteme jasap.
Aldyn ala boljam boıynsha aıdyń birinshi onkúndiginde antısıklonnyń yqpaly áser etedi. Saldarynan elimizdiń barlyq aımaǵynda aýa raıy jaýyn-shashynsyz bolyp, túnde jáne tanerten tuman túsýi múmkin.
"Aýa temperatýrasy batysta túnde 2...12 gradýs aıaz, kúndiz 2 gradýs aıaz...3 jyly. Soltústikte, ortalyqta jáne shyǵysta túnde 10...20 gradýs aıaz, kúndiz 2...10 gradýs aıaz.Tek elimizdiń ońtústiginde aıdyn basynda sıklon yqpal etıp jaýyn shashyn jaýyp, tuman jáne kók taıǵaq saqtalady. Aýa temperatýrasy onkúndik boıy túnde 5...15 gradýsaıazdan 0...5 gradýs aıazǵa, kúndiz 0...5 gradýs azdan 0...8 gradýsqa deıin joǵarylaıdy", - dedi sınoptıkter.
Uzaq merzimdi boljam boıynsha ekinshi onkúndiktiń basynda jáne sońynda, sondaı-aq, úshinshi onkúndiktiń sońynda úsh salqyn tolqyny bolýy yqtımal. Arktıkalyq teńizden enetin sýyq aýa massalarynyń saldarynan elimizdiń soltústik-shyǵys bóliginde ekinshi onkúndiktiń sońynda qarqyndy salqyn kútiledi. Aýa temperatýrasy túnde 25...35 gradýs aıazǵa, kúndiz 15...20 gralýs aıazǵa deıin tómendeıdi.
Jeltoqsan aıynda ortasha aılyq temperatýrasy klımattyq mánderge jaqyn bolady, tek Mańǵystaý, Qyzylorda jáne Ońtústik Qazaqstan oblystarynda mólsherden tómen bolady.
Sondaı-aq, jeltoqsnada jaýyn-shashynnyń aılyq mólsheri Batys Qazaqstan, Atyraý oblystarynda mólsherden kóp, Mańǵystaý, Aqtóbe, Qostanaı, Soltústik Qazaqstan, Aqmola, Pavlodar oblystarynda jánede Shyǵys Qazaqstan, Almaty, Jambyl jáne Ońtústik Qazaqstan oblystarynyń taý jáne taý bókterli aýdandarynda mólsherden kóp, qalǵan aımaqtarda mólsherden az bolatyny aıtylady.
