Japondyq turmys qurmaǵan áıelderdiń 60 paıyzǵa jýyǵy jumysqa barlyq derlik ýaqytyn arnaǵandyqtan jeke ómirge múldem ýaqyty joq dep Qamshy.kz aqparat agenttigi The Japan Times gazeti jarıalaǵan saýalnamasyna súıene otyryp jazady. Saýalnama senbide cocoloni.jp onlaın tanysý qyzmeti boıynsha iske asyrylǵan.

Japonıada áıelder de erkektermen birdeı jumysbasty bolyp barady, olar úılerine kelgende ǵashyǵymen kezdesýge barmaı, telehıkaıalar kórip jata beretin bolǵan.

Keńsede ǵashyq bolý da sırek nátıje beredi. Bir japondyq áıeldiń aıtýynsha jigitpen kezdesýge barǵanda sharshaǵandyqtan, uıyqtap qalǵan.

Odan ózge Lovely Media mahabbat saıtynyń málimetinshe, sany artyp kele jatqan áıelder beıtanys erkekpen kezdesýdi ýaqytty bosqa ótkizý dep biledi. Kerisinshe, olar júkti bolýdy basty maqsat etedi, olardyń oıynsha bul naǵyz er azamatpen birge bolýdyń joly.

The Japan Times-qa súıener bolsaq, 1980 jyldary 20 jastaǵy japondyq qyzdardyń 60 paıyzynda júretin jigitteri bolatyn, al qazirde bul kórsetkish qatty tómendep ketken.

«Jumys ýaqyty qysqarsa, qyzdar ana bolyp, mahabbat jaıly kóbirek oılaýshy edi» dep qorytyndylady basylym.