Bishkekte túsirilgen atyshýly vıdeoda balany tepken er adam memlekettik qyzmetker bolyp shyqty, dep jazady Qamshy.kz aqparat agenttigi 24.kz-ke silteme jasap.

Eske salaıyq, qazaqstandyq áleýmettik jeli qoldanýshylary Facebook jelisinde jáne Instagram jelisinde tanymal toptarda jarıalanǵan vıdeony qyzý talqylap jatyr. Er adam Soqylyq memtirkeý basshysynyń orynbasary bolyp shyqty. Onyń aty-jóni – Berıer Adıev.

Bul málimetti organnyń baspasóz qyzmetindegiler rastaǵan. Olar taratqan habarǵa sensek, memtirkeý basshysy er adamdy jumystan shyǵarý týraly tapsyrma beripti. Portal Qyrǵyz Respýblıkasy Áleýmettik damý mınıstrligine silteme jasaı otyryp, Adıevtiń áıeli Asel Erjanovanyń óz kúıeýin ata-ana quqyǵynan aıyrýdy talap etkenin habarlady. Áıeldiń ózi bul oqıǵa jaıly jańalyqtardan bilipti. Balasy Elhan otbasynda jalǵyz ul eken. Kelesi jyldyń naýryzynda bala úshke tolady.

«Sheshesi kúıeýiniń balaǵa munyń aldynda qol kótermegenin jáne eshqandaı agresıa tanytpaǵanyn aıtty. Týystary er adamǵa baısaldy dep minezdeme bergen. Asel Erjanova kúıeýiniń ne sebepti balaǵa mundaı qorlyq kórsetkenin túsine almaǵanyn málimdegen. Sondyqtan ázirshe eshkimdi de kinálaǵysy kelmeıdi, biraq ony báribir ata-ana quqyǵynan aıyrýdy talap etti», – dep habarlady vedomstvodaǵylar.