Shveısarıalyq fotograf Marsel Býrkard qazaqstandyq banknottan ózi túsirgen shaǵalasyn tanydy, dep jazady Qamshy.kz aqparat agenttigi. Bul týraly fotograf óziniń jelidegi paraqshasyna jazdy. Onyń aıtýynsha, shaǵalanyń túpnusqasy Ýıkıpedıada bar, ári avtorlyq quqyǵy da kórsetilgen.

"Qandaı mártebe! Keshe Qazaqstannyń Ulttyq banki shaǵalalardyń sýreti salynǵan jańa banknot shyǵardy degen habar estidim. Bul kópshiliktiń qyzý talqysyna túsipti. Ulttyq bank shaǵalalardyń sýreti urlanǵan degendi joqqa shyǵarady. Alaıda jelide úsh túpnusqa sýret tabyldy", — dep jazdy Marsel Býrkard.

Býrkardtyń aıtýynsha, dızaıner eshqandaı qıyndyqsyz-aq bar sýretterdi paıdalana salǵan. Fotograf sýrettiń avtory retinde quqyǵyn qorǵaıtynyn málimdep otyr.

Eske salsaq, Ulttyq bank 22 qarashada jańa dızaınmen 500 teńgelik banknottardy shyǵardy. Qaǵaz aqshanyń bir jaǵynda Qazaqstan kartasy men Kaspıı teńizi, shaǵalalar beınelengen. Jeli qoldanýshylary shaǵalany Ýıkıpedıadan alynǵan dep syn aıtýda. Al, bas bank sýretshi natýramen jumys istedi, natýra retinde fotosýret ınternetten alynýy múmkin degendi alǵa tartady.