AQSH pen Ońtústik Koreıa tarıhtaǵy eń iri áýe oqý-jattyǵý jumystaryn bastady. Oǵan 230 ushqysh jáne amerıkalyq F-22 atty kózge kórinbeıtin 6 joıǵysh ushaq tartyldy. 8 jeltoqsanǵa deıin sozylatyn jattyǵýǵa qatysýshylar soltústikkoreıalyq jyljymaly zymyran qurylǵylarynyń kózin joıýdy úırenedi, dep Qamshy.kz aqparat agenttigi Xinhua-ǵa silteme jasap habarlaıdy.

Basty sebep – Soltústik Koreıanyń qater tóndirýi. Ońtústik Koreıa qaýipsizdik mınıstriniń málimdeýinshe, bul jattyǵý – Seýl men Vashıngtonnyń Soltústik Koreıaǵa qarsy kúshterin daıyndaý. Eske sala keteıik, Koreı túbegindegi jaǵdaı Phenánnyń balıstıkalyq zymyrandy kezekti synaqtan ótkizýinen soń shıelenise tústi.

Saraptamalyq derekter boıynsha bul zymyran burynǵysynan áldeqaıda kúshtirek. Onyń ushý bıiktigi 4 jarym myń, al qashyqtyǵy 950 shaqyrymdy qurady. Zymyran japondyq Aomorı jaǵalaýynan 200 shaqyrym jerge, erkin ekonomıkalyq aımaqqa qulaǵan.