Almatydaǵy Nazarbaev dańǵyly úkimettik bolyp sanalady, kóshe boıyna kólik qoıaǵa tyıym salynǵan. Sebebi komersıalyq jyljymaıtyn múlik ıelerine yńǵaısyzdyq týdyrady. Adamdar kóbine tynysh aýdandardy tańdaıtyndyqtan dańǵyl boıynda turǵyn úıler kóp emes. Bul týraly «Qazaqstandyq rıeltorlardyń birikken qaýymdastyǵy» dırektorlar keńesiniń múshesi Marına Grýshına málimdedi, dep jazady Qamshy.kz aqparat agenttigi.

Sondaı-aq, Grýshına Nazarbaev dańǵylynda úsh jańa turǵyn úı keshenin salý josparda ekenin aıtty. Turǵyn úı kesheni qalanyń tómengi bóliginde ornalasatyn bolady, ol jerde saýda ortalyqtary da salynady.

Nazarbaev dańǵylynyń arhıtektýrasy men josparlaýyna qatysty birqatar ózgerister qarastyrylǵan.

«Almatygıprogor-1 jobalaý ınstıtýty» JSHS ókili jeltoqsannyń basynda Nazarbaev dańǵylymen qosa birneshe kóshelerdi kórkeıtý maqsatynda satyp alý baıqaýy ótetinin habarlady. Baıqaý qujattamasynda sáıkes, munda jaıaý júrginshiler aımaqtary keńeıtiledi, jasyl jelekter otyrǵyzylady, ǵımarattardyń birinshi qabattary retke keltiriletin bolady.

Eske sala keteıik, burynǵy Fýrmanov kóshesine Elbasynyń esimin berý týraly sheshim Almaty máslıhat otyrysynda qabyldandy. Qala ákimi Baýyrjan Baıbek kósheniń Nazarbaev bolyp ózgerýine turǵyndardyń basym kópshiliginiń usynysy áser etkenin málimdegen.