Bishkek turǵyny Barıer Adıev atyshýly vıdeoda óz balasyn nege tepkenin túsindirdi, - dep habarlaıdy Qamshy.kz aqparat agenttigi tengrinews.kz-ke silteme jasap. Onyń aıtýynsha, áleýmettik jelide taralǵan vıdeo montajdalǵan.

Quqyq qorǵaý organdarynyń málimetinshe, 50 jastaǵy er adam 2 jeltoqsanda shamamen saǵat 15.15-te balasymen serýendeýge shyqqan. Barıer Adıevtiń bergen túsiniktemesi boıynsha, ol balasyna muzda syrǵanaýǵa ruqsat etken, al úıge qaıtar aldynda bala jerge jatyp alyp, qaıtqysy kelmegen. 

Barıer Adıev balasyn jerdep kóterdim dep otyr. Shamamen saǵat 16.00-de úıine kirgen. Keıin ol sharýalarymen shyǵyp ketken. Al birshama ýaqyt ótkende oǵan áıeli habarlasyp, Internetten vıdeony kórgenin aıtqan. Sodan olar urysyp qalǵan. Barıer Adıev bolsa vıdeony montaj dep otyr.

Mılısıadaǵylardyń aıtýynsha, er adamnyń áıeli kúıeýi men balasy úıge oralǵanda nelikten balanyń ústi-basy las ekenin suraǵan. Er adam balanyń qıǵylyq salyp, jerde jatyp alǵanyn aıtqan. 

Janjaldan keıin Asel Erjanova balany aýylda turatyn týystarynyń úıine áketip qalǵan.

Mılısıa ókilderi Barıer Adıevtiń 2 jeltoqsanda mas bolmaǵanyn aıtyp otyr.

Agenttiktiń málimetinshe, Elhan balalar aýrýhanasyna "ish bóliginiń jaraqaty" dıagnozymen túsken. Balanyń densaýlyǵyna kelgen zıan boıynsha sot-medısınalyq saraptama júrgizilip jatyr. 

Erli-zaıyptynyń azamattyq nekede ekeni anyqtalyp otyr.