Reseıdiń «Rossıa 24» arnasy Qazaqstan fýtbol quramasynyń jattyqtyrýshysy Aleksandr Borodúkpen qurǵan suhbaty kezinde ózbekstandyq fýtbolshylardyń jattyǵýyn kórsetip jiberdi.
Bul týraly Qamshy.kz aqparat agenttigi Vesti.kz-ke silteme berip jazady. Fýtboldan Qazaqstan quramasynyń bas bapkeri «Fýtbol Rossıı» baǵdarlamasynda qonaqta bolyp, quramamyzdyń maqsattarymen bólisti.
Áńgime barysynda Borodúk Ulttyq quramamyz aldaǵy ýaqytta jańaratyny týraly aıtty. Dál osy kezde ekranda Ózbekstan quramasy fýtbolshylarynyń jattyǵýy kórsetildi. Aıta keteıik, qazan aıynyń basynda Qazaqstan quramasy taǵy bir keleńsiz jaǵdaıǵa tap bolǵan.
Álem chempıonatynyń irikteý kezeńinde Rýmynıaǵa qarsy oıynǵa bizdiń qurama «Ózbekstan» degen jazýy bar ushaqpen barǵan edi.
