Tanymal kompozıtor Qaldybek Qurmanáli mádenıet jáne sport mınıstri Arystanbek Muhamedıulynyń málimdemesi memlekettik qyzmetkerdiń aıtatyn sózi emes dep aıttydep jazady Qamshy.kz aqparat agenttigi ratel.kz-ke silteme jasaı otyryp.
«Ár adamnyń jeke óz pikiri bolady jáne aıtýǵa quqyly. Al mınıstrdiń bulaı sóıleýge moraldyq haqysy joq. Mınıstr Bethoven, Mosart ash júrip nebir shedevrlerdi dúnıege ákeldi deıdi. Onda mınıstrlerge kitaphanashynyń aılyǵyn bereıik. 30 myń teńgemen bir aı ómir súrip kórsin. Bálkim, sol kezde olar qyzmetterinde shyǵarmashylyq tabysqa jetip, jaqsy jumys jasar», - deıdi kompozıtor.
Sondaı-aq, kompozıtor Bethoven men Mosart mysaly oıǵa qonymsyz, bul toq bala ash balamen oınamaıdyny keri deıdi.
«Qazir shoý-bıznes ókilderi men asabalardyń ǵana jaǵdaıy jaqsy. Biraq olar naǵyz ónerpazdarǵa jatpaıdy. Kerisinshe, shyn talanttardyń ómirge beıimi joq. Olardy memleket qoldaýy kerek. Mınıstr óner salasynyń janashyry bolýy tıis.
Mádenıet salasynda kúnin kóre almaı júrgen adamdar bar. Memlekettik baǵdarlamamen úı alyp, ıpotekasyn tóleýge aılyqtary jetpeı júrgender qanshama? Men memlekettik qyzmette istep kórgen adammyn. Óńirlerde kitaphanashylar tapshy. Eshkim ondaı az aılyqqa jumys jasaǵysy kelmeıdi. Al olar saılaýdyń barlyq jumysynda qulaq kesti qul sıaqty júredi. Búkil qazba baılyqtyń ústinde otyryp ash bolýǵa bola ma?», - dedi Qaldybek Qurmanáli,.
Esterińizge sala keteıik, keshe mınıstr Arystanbek Muhamedıuly májilistegi úkimet saǵatynda óner adamy ash bolǵanda shyǵarmashylyq tabysqa jetedi degen bolatyn.
