– Bıylǵy jyldyń aıtýly jańalyqtarynyń biri ejelde ómir súrgen amazonkanyń tabylýy boldy, – dedi Shyǵys Qazaqstan oblysynyń ákimi Danıal Ahmetov 2017 jyldyń 29-shy qarashasynda Astanadaǵy Ortalyq komýnıkasıalar qyzmetinde ótken brıfıń barysynda, – Bıylǵy jyly Berel qorǵanynda júrgizilgen qazba jumystarynyń nátıjesinde erekshe ashý boldy. Bizdiń zamanymyzǵa deıingi İİİ ǵasyrda ómir súrgen jas jaýynger áıeldiń jerlengen jeri tabyldy. Bul dala órkenıetiniń joǵary deńgeıi týraly qorytyndy jasaýǵa múmkindik beredi, dep jazady Qamshy.kz aqparat agenttigi. 

Oblys basshysy Berel qorǵandarynyń biregeıligine erekshe nazar aýdaryp, arheologıalyq obektiniń jalpyǵa ortaq bolýy úshin tıisti sharalardy jasaıtynyn aıtty.

Esterińizge sala ketsek, 2017 jyldyń jazynda Katonqaraǵaı aýdanyndaǵy qorǵandardy qazý barysynda tabylǵan tarıhı jádiger, áıel adamnyń Saq qoǵamynda joǵary oryn alǵandyǵyna birden bir dálel boldy. Tarıh ǵylymdarynyń doktory Zeınolla Samashevtiń jetekshiligimen qazylǵan qorǵannan jerlengen Saq qyzynyń súıekteri tabylǵan. Onyń janynda eki jylqy birge jerlenipti. Sonymen qatar, qyzdyń qasynan qanjar tabylǵan. Sonyń ishinen ejelde ómir súrgen áıel adamnyń bas kıiminiń qaldyqtary, tony, belbeýiniń qaldyqtary saqtalyp qalypty. Bul zerttelgen oryn ejelgi kezde tonalyp ketipken eken.

Aımaq basshysy bıylǵy jyldyń jazynda qazba jumystaryna baryp, arheologtardyń ashýlarymen tanysyp qaıtqan bolatyn.