Shyǵys Qazaqstan oblysynyń turǵyndary jaqyn arada jańa kitaptar alyp, jańa esimdermen tanysýǵa múmkindik alady. Bul jaıly 2017 jyldyń 29-shy qarashasynda Astana qalasyndaǵy Ortalyq komýnıkasıalar qyzmetinde ótken brıfıń barysynda málimdedi, dep jazady Qamshy.kz aqparat agenttigi. 

A.S.Pýshkın atyndaǵy oblystyq kitaphana jazýshy jerlesteriniń birqatar kitaptaryn shyǵarýǵa daıyndalýda. Bul kitaptardyń barlyǵy Abaı álemi» jobasy aıasynda shyǵarylmaq.

2018 jyly Shyǵys Qazaqstan oblysynyń kitaphanalarynda Marat Qabanbaevtyń «Arystan, men jáne vıolonchel» povesteriniń jıyntyǵy jaryq kóredi. Bul basylym negizinen jas oqyrmandarǵa arnalǵan. Qazaqstan Jazýshylar Odaǵynyń múshesi, Hans Hrıstıan Andersen atyndaǵy Halyqaralyq syılyqtyń laýreaty Marat Qabanbaev - bizdiń oblysta balalar ádebıetinde qalam terbegen jalǵyz jazýshy. Ókinishke oraı, ol qazir bizdiń aramyzda joq, biraq onyń eńbekteri jaqynda oqyrman qaýymnyń nazaryna usynylady.

Sonymen qatar, Andreı Kratenkonyń ádemi de ásem fotosýretterge toly «Eýrazıanyń ortalyǵynda: qasıetti mekenderge jasalǵan sapar» kitaby daıyndalyp jatyr. Budan bólek, tanymal natýralıs jazýshy Borıs Sherbakov «Altaı qoryǵynyń Taıga graftyǵy» atty jańa jumysyn usynbaq.   

Oqyrmandar bizdiń otandastarymyzdyń mol mádenı murasy men basqa da kóptegen qyzyqty taqyryptardy qamtyǵan kitaptardy oqýǵa múmkindik alatyn bolady.

«Abaı álemi» baspasy 5 jylǵa jýyq kitap shyǵarýǵa eseptelgen. Jyl saıyn jańa kitaptar jaryq kórip, oqyrman jańa esimdermen tanysady. Jobada erekshe nazar kitaptary buryn basylyp shyqpaǵan nemese kishigirim danamen basylǵan avtorlarǵa berilmek.

«Abaı álemi» ádebı jobasy negizinen baǵyty jalpy ulttyq jáne mádenı tamyrlarǵa negizdelgen jazýshylardyń shyǵarmashylyǵyna arnalǵan. Kitaptar qoǵamdyq sanany jańǵyrtý úshin qurylǵan «Rýhanı jańǵyrý» baǵdarlamasynyń «Álemdegi qazirgi Qazaqstannyń mádenıeti» baǵyty boıynsha basyp shyǵarylady.