2017 jyldyń 29-shy qarashasynda Astanadaǵy Ortalyq komýnıkasıalar qyzmetinde ótken brıfıńke qatysqan Shyǵys Qazaqstan oblysynyń ákimi Danıal Ahmetov:

- Bıylǵy jyly Densaýlyq saqtaý mınıstrligimen birlese otyryp, Óskemen qalasyndaǵy №1 qalalyq aýrýhananyń janynan elimizdegi tuńǵysh robottandyrylǵan hırýrgıa jáne transplantologıa ortalyǵyn ashý jaıly sheshim qabyldadyq. Ortalyq qurý úshin oblystyq búdjetten 1,3 mlrd. teńge bólindi. Sonymen qatar, bul maqsatta «Paryz» qory 1,1 mıllıard teńge qarjy jumyldyrdy. Bul týraly Qamshy.kz aqparat agenttigi jazady. 

Atalmysh ortalyqtyń negizgi maqsaty ár túrli aýrýlardy dıagnostıkalaý men emdeýdiń ınovasıalyq ádisterin engizý bolyp tabylady. Osy rette, aıta ketkenimiz jón bolar, búgingi kúni №1 qalalyq aýrýhananyń hırýrgıalyq bóliminde jyl saıyn 7 myńǵa deıin ota jasalady. Olardyń 20% -y endoskopıalyq otalar. Bul robottandyrylǵan hırýrgıa ortalyǵy úshin óte úlken áleýet.

Endoskopıalyq otalardyń tıimdiligi endohırýrgıalyq tehnıkanyń kómegimen kishigirim tilý arqyly júrgiziledi. Osynyń arqasynda teriniń syrtqy zaqymdalýy kóp baıqalmaıdy eken. Sondaı-aq, otadan keıingi tigis izderi qalmaı, aýyrsyný bolmaı, aýrýhanada jatý merzimi de qysqarady. Ortalyqtyń jumysyna Semeı qalasynyń Memlekettik medısınalyq ýnıversıteti at salyspaq.