Almaty oblysynda janýarlardy qorlap óltirgen tálimbaq tabyldy. Bul jer İle aýdanynda Ashybulaq aýlynda ornalasqan. Janýarlardyń quqyǵyn qorǵaýshylar men eriktiler tobynyń aıtýynsha, ıtterdi sumdyq jaǵdaıda ustaǵan. Osynyń saldarynan ashyqqan  ıtter bir-bir jegen. Bul týraly habarlaıdy ktk.kz.

Itterge tamaq ornyna topyraq bergen. Álderi qalmaǵan janýarlar tipti úre de almaı qalǵan. Eriktiler toby kelgen ýaqytta janýarlar janynda eshqandaı qyzmetkerler bolmaǵan. Janýarlarǵa járdem  beremiz degenshe tálimbaq ıeleri ıtterdiń kózin joıyp úlgergen

Erekshe janýarlarǵa arnalǵan baspananyń ıesi Ýlána Bakaeva barlyq ıtterdi qamqorlyqqa alýǵa daıyn edik deıdi. «Janýarlarǵa tamaq, qajetti zattardy daıyndap qoıǵan bolatynbyz. Alaıda olardy sol qalpy tiri kúıinde kóre almadyq. Biz kelgende shuńqyr ishinde olardyń máıitteri tabyldy»-deıdi áıel.

Atalǵan jerdiń terrıtoıasynda janýarlardyń deneleri laqtyrylǵan arnaıy shuńqyr tabyldy. Eriktiler toby kórip ketken  alabaıdyń bir saǵattan soń  shuńqyrda máıiti ǵana qalǵan.

Belgili bolǵandaı, atalǵan jer mal qorymy bolyp shyqqan. Alaıda onyń jabylǵanyna eki aptadaı ýaqyt bolǵan. Uıym basshysy ıtterden oblys turǵyndary ózderi bas tartyp, bizge berip jibergen deıdi. «Itter bizde 3 kún bolady. Sodan keıin biz olardy uıyqtatamyz»-deıdi ol.

Janýarlar quqyǵyn qorǵaýshylar ıtterdi ne sebepti mal qorymynda ustaǵanyn túsinbegen. Eriktiler janýarlardy ne sebepti  qorlap, odan keıin óltirgenin  polısıa kómegimen sheshýge bel baılap otyr.