Óńirdegi týýdyń joǵary kórsetkishteri birneshe jyl buryn Shyǵys Qazaqstan oblysynda balalardy mektepke deıingi mekemelermen qamtamasyz etý máselesiniń týyndaýyna ákelip soqty. Bul máseleni sheshý úshin memlekettik-jeke menshik áriptestigi mehanızmderi iske qosyldy, dep jazady Qamshy.kz aqparat agenttigi.
2017 jyly oblysta jekemenshik balabaqshalardyń óz jumysyn bastaýyna qajetti 64 kelisimshartqa qol qoıyldy. Memlekettik tapsyrys mólsheri 7,8 mlrd. teńgeni quraǵan. Bul jaıly Shyǵys Qazaqstan oblysynyń ákimi Danıal Ahmetov 2017 jyldyń 29-shy qarashasynda Astanadaǵy Ortalyq komýnıkasıalar qyzmetinde ótken brıfıń barysynda habarlady.
Osy rette, aıta ketý kerek Shyǵys Qazaqstan oblysyna jumys saparymen kelgen Qazaqstan Respýblıkasynyń Prezıdenti Nursultan Nazarbaev balalardyń 99%-yn balabaqshamen qamtamasyz etip otyrǵan Shyǵys óńirin maqtaǵan bolatyn.
