"Qamshy.kz" - erkin aqparat alańy. Portalymyzda jaryq kórgen “Islam – basqa din, óz dinimiz – táńir”(vıdeo) jazbasyna túsken pikirlerge osy vıdeonyń avtory "Toqtar Abyz" resmı túrde jaýap jazdy.

***

QYSASTYQTY farz dep kek qýatyn mýslımın emespin, sondyqtan qazaq dúnıe tanymnyń jolymen ár kisiniń aıtqanyna qysqasha ǵana jaýap bere keteıin, uqqany uǵar, uqpaǵany «ol kim?» degizip, maǵan jarnama jasap, «dyrylyn» jalǵastyra berer.

1). Mýsylman.
Qańtar 10, 2015 at 8:25 tk. Islamdy baska dın deýge kalaı aýzy bardy eken, kalaı datı baryp oılady eken, kapır. JAÝAP. Ia ıslam basqa, qazaq dúnıe tanymyna úsh qaınatsa sorpasy qosylmaıtyn araptyń qumdy shaǵyldarynan, qazaqtyń kıeli, kók oraı, kók shalǵyn dalasyna kelgen senim. Bul sózge kózińdi jetkizý úshin, Islam seniminiń shapaǵatty kitaby Korandy qolyńa al, 114 sýraǵa ornalasqan 6666 aıatty derligimen jaqsylap oqy, túsinbeı qalǵan jeriń bar bolsa Koran men Kaabanyń naǵyz IEGERİ bolyp tabylatyn Saýdı araptarynan sura. Oǵan áliń jetpese, Quran sózderin qudiret dep biletin, oǵan kez kelgen eldiń dúnıe tanymyn kirgizbeı «shirik» dep uǵyndyratyn, ıslamı saýattary berik Salafı baǵytyn ustap júrgen qazaq azamattarynan sura, myǵymdap turyp túsindirip beredi. Al seniń, KAPIR dep maǵan baǵa bergeniń ıslamı zańdylyqta naǵyz shekten shyqqandyq bolyp tabylady. Sebebi sen, sheshim qabyldap fatýa jasaıtyn Allah emessiń. Onyń ústine sen, tek qana myna Fanı dúnıede sharasyzdyqtyń kebinin kıip qulǵa tıesili qulshylyǵyńdy jasap júrgen Fandesiń. Al Islam seniminde, mýslımdikti qabyldaǵan kez kelgen kisiniń, osy fanı dúnıede Tahýa bolyp tirilik jasady ma? álde aýzyna kelgen sóılep, dúnı zańdylyqtardy qorlap Kafır bolyp taǵdyr keshti ma? degen sekldi suqtardyń jaýabyn Hıamet haıymda bolatyn belgili bir kúni Allahtyń ózi ǵana shyǵarady. Eger sen, Allahtyń tap ózi bolsań, aıtqanyńa kóndik, olaı bolmasa artyq aýyz aıtylyp sózden jibergen kináń men kúnińniń aýyrtpalyǵy ózińniń moınyńa.

2). Ásel
Qańtar 10, 2015 at 8:29 tk Negizi ıslam bizge keıin kedi onyń bizge tez taralýynyń sebebi bizdiń ulttyq yrym tımdarymyzǵa jaqsy keldi. halyq tez qabyldady. eń alǵashqy dinimiz táńirlik bolǵany ras. biraq ıslam dini sekildi damymaǵan. jabaı din.

JAÝAP. Áseldiń «ıslam bizge keıin keldi» degen oryndy aıtylǵan sózine qosarym, shyn máninde naǵyz Islam qazaq dalasyna endi kele bastady, tolyq qandy ornyǵyp bola qoıǵan joq. Oǵan dálel osy egemendik alǵan jyldardyń ishinde qazaq dalasynda Islamnyń birneshe baǵyty óziniń «dáýrendi kúnderin» bastarynan ótkizip, qazaqtyń basyn shyr aınaldyryp shatpaqtap, keı biri ózi joq bolyp ketti, endi bireýleri zańmen quryqtaldy. Qazaq sol shym shytyryq ımanı oqıǵalardan keıin, myń oılanyp, myń tolǵanyp, úsh uıqtasaq túsimizge kirmegen Hanafı degen ǵalymnyń maǵazhaby baǵytymen «Naǵyz ıslamdy» emes, «qazaqy ıslamdy» júrgizgeli otyr. Arty jaqsylyqqa bolsyn. Endi Áseldiń «ıslamnyń bizge tez taralýynyń sebebi, bizdiń ulttyq yrym tımdarymyzǵa jaqsy keldi, halyq tez qabyldady» degen oıynda úńilsek, aqıqat bylaı órbıdi. Shyn máninde: «qazaqtyń kóneden búginge jetken kóptegen ulttyq, salt-dástúr, ádet-ǵuryp, dúnıe tanymdaryn «shırık» dep taýyp, ıslam kelgenge deıin qazaq eshqashan qudaıdy izdemegen, qudaısyz, dinsiz qalǵan el dep ashyq aıtyp otyrǵandyǵy, aıqyn bilinip turmasada, ıslam qazaq dalasynda qarsylyqqa ushyrap otyr. Áseldiń «eń alǵashqy dinimiz táńirlik bolǵany ras» degen sózi jan jylytady, sebebi qazaqta Qudaıdy izdegen, Táńirlik dini, onyń ustandary men jón joralǵylary bolǵan. Biraq bizdiń dalamyzda Táńir dininine tıesil «termınderdiń» barlyǵyn ıslam dindarlarynyń paıdalanyp otyrǵanyn qazaq áli túsinbeı otyr. Sondyqtan, Ásel aıtqandaı, qazaqtyń barlyǵy: «(táńir) ıslam dini sekildi damymaǵan. jabaıy din» dep dep oılap júr. Olaı emes, Táńir dini áli bar, keremet din, joǵalmaǵan, onyń aıǵaǵy myna dálelder. Soózim naq bolý úshin, Islam senimi men Táńir dininiń ulaǵatty túsinikteriniń basyn ashyp, seniń diniń túsinigi saǵan, meniń dinimniń túsinigi maǵan deıin. ORAZA qazaqtyń Táńir dininiń sózi, ıslamda «ASSAÝM» degen Quranı sóz. AÝYZ ASHAR qazaqtyń Táńir dininiń ustany, ıslamda «IFTAR» dep Quran sózimen naqtylanady. SÁRESİ qazaqtyń Táńir dininiń amaly, ıslamda «SÝHR» delinetin Quran sózimen sáıkestenedi. MESHİT qazaqtyń Táńir dininiń ustany, ıslamda «Masjıt, Mýsalla, Jamı» delinetin Quran sózimen sáıkestenedi. NAMAZ qazaqtyń Táńir dininiń amaly, ıslamda «Salát» delinetin Quran sózimen sáıkestenedi. JANAZA qazaqtyń Táńir dininiń amaly, ıslamda «As Salát» delinetin Quran sózimen sáıkestenedi. ZIRAT qazaqtyń Táńir dininiń amaly, ıslamda «Hadj» delinetin Quran sózimen sáıkestenedi. QURBANDYQ qazaqtyń Táńir dininiń amaly, ıslamda «ıdalAdha» delinetin Quran sózimen sáıkestenedi. MUSYLMAN qazaqtyń Táńir dininiń ustany, ıslamda «Mýmın» delinetin Quran sózimen sáıkestenedi. MYSYMAN qazaqtyń Táńir dininiń ustany, ıslamda «Mýslım» delinetin Quran sózimen sáıkestenedi. Al Táńirdiń: «Azan, Tańǵy namaz, Túski namaz, Keshki namaz, Besin namazy» degen túsinikteri, Islamda: Hamaty, Fadjr, Zýhr, Asr, Magrıb, Isha» delinetin Quran sózderimen naqtylanady. Dinı «termındi» aýystyryp ańdamaı sóıleý, Islamda da aýyr kúná! Bul sózime dálel bolatyn Qurannyń myna aıattary, oqyńyz, oı túıińiz. ÁNǴAM SÚRESİ. 115aıat. Rabbyńnyń sózi shyndyq ári týralyqpen tamamdalǵan. Onyń, sózderin ózgertýshi joq. Ol, tolyq estýshi, asa bilýshi. SAFFAT SÚRESİ. 10 aıat. Alaıda álde bireý bir sóz urlaıtyn bolsa, ony ótkir bir jalyn qýalaıdy. SÁBÁ SÚRESİ. 38aıat. Sondaı-aq aıattarymyzdy kúshinen qaldyrýǵa tyrysqandarǵa kelsek, mine solar; azapqa dýshar bolatyndar. Bul aıattar, Rabbynyń naqtylap ketken – zańy. Demek, Qurannyń ár sózine Allahtyń móri basylǵan, sondyqtan eshkim eshqashan «aıattardy kúshinen qaldyrýǵa tyrysyp», ondaǵy dinı «termınderdi» ózgertýge tıisti emes. Iaǵnı, kez kelgen dindar ózi aıtyp otyrǵan ýaǵyzynda mynaý – Islam, mynaý – Hrıstıan, mynaý – Iýdaızm, mynaý – Indýızm, mynaý – Býddızm, mynaý – Zarostrızm, al mynaý bolsa Táńir dininiń «termınderi», bulardyń bir-birinen aıyrymy mynada dep naqtylap aıtyp, dálelmen sóıleýi kerek. Oschylaı jasaǵanda ǵana din tazalyǵy paıda bolady.

3). Krylgash
Qańtar 10, 2015 at 8:32 tk. Qosylam. dın ozgertem desen ozgerte salatyn narse emes. mýsylman dını bızge kýtýba ıbı mýslım engizip 942 jyly karahan engızgennen bastap mıne eseptender kansha jyl kazaktarmen bırge keledı.ıslam taza dın. aıyrylyp kalmaıyk agaıyn.

JAÝAP. Qosylam, shynynda dindi ózgertem deseńde ózgerte almaısyń, myqty din mindetti túrde qanshama teperish kórsede aman qalady. Táńir dinide izdegender kartadan taba almaıtyn qazaq sekildi myqty din. Bar, bar bolsada joq, tabý úshin izdeý kerek. Jaǵdaıdyń osylaı bolyp turǵanyn, joǵaryda Áselge jazǵan jaýabymda, Táńirlik dinniń bar ekenin, biraq joq bolǵandaı bolyp turǵan sebebi, onyń ustandaryn, joralǵylaryn, dúnıe tanymdaryn ıslam dindarlary erkin paıdalanyp júrgenin aıttym. Al seniń: «dını bızge Kýtýba ıbı mýslım engizip» dep bir qaıyryp, «942 jyly Karahan engızgen» dep eki qaıyrǵan túbi tereń ǵylymı oıyńa kelsek, ol jaǵdaıdy qazaqqa dindi biz kirgizgemiz dep otyrǵan Tatarlar men Hodjalarǵa aıt. Sebebi solardyń aıtýyna qaraǵanda, Islamdy túrikterge kirgizip jatqanda «qazaq» degen ultta, halyqta bolmaǵan, demek ol kezde Qudaıyna jalynyp, Táńirine sıynyp kóship qonyp júrgen «taıpa» retinde ıslamdy qabyldamaǵan bolyp shyǵady. Men aıtam, qazaq yqylym zamannan beri bolǵan, biraq eshqashan óziniń Táńirlik dinin satpaǵan, sonyń sara jolymen júrip keledi, júre beredi. Sebebi, ıslam dindarlary Táńirlik «termınderdi» paıdalanyp ýaǵyz taratqan saıyn, aıtpaq oılarynyń barlyǵy qazaq dúnıe tanymyna jaqyndap, dinimiz odan ary kórkeıe túsetindigine, qazaqy dúnıe tanymnyń úrdisterin boıyna sińirip alǵysy kelip otyrǵan Hanıfa mazhaby men Allahtan qoryqpaı «shırık» dep tanylatyn qazaqy salttyń barlyǵynyń tórinde qoqaıyp otyrǵan ımamdar kýá.

4). Pikir qaldyrýshy
Qańtar 11, 2015 at 12:16 td Eý, shal! Erteńgi kúni jańaǵy sábıler kelip seni atyp ketip júrmesin, baıqa kishkene)))



JAÝAP. Eý, shal! Ǵajap sóz! Sende jasyń kelgende «Shal» bolyp, etegińe shalynyp júr. Al seniń: «Eý, shal! Erteńgi kúni jańaǵy sábıler kelip seni atyp ketip júrmesin, baıqa kishkene)))» degen sózińe kelsek, ana ıslamnyń jolymen «takfr» salyp «madjahed» bolyp óskeli jatqan «búldirshinder», meniń jeke basymdy «atyp ketse» sharýa ońynan biter edi, seni, seni qoıshy, qazaqty derligimen qyryp ketip júrmesin. Sondyqtan, shal, shal dep shalyna bermeı, Korandy qolyńa alyp oqysańshy, qashanǵy ımamnyń aıtqan «tátti sózderin» tyńdap júre beresiń, táttisimen qosa ashysynda oqy. Al ana «joıyt» bolǵysy kelip otyrǵan jas órimder, ıslamnyń qudiretti kitaby Korandaǵy myna aıattardy qaz qalpynda oryndaýyshylar bolyp tárbıelenip jatqandyqtan, oryndamaı qoımaıdy oryndaıdy.

BAQARA SÚRESİ. 216 AIAT. Áı múminder! Senderge súıkimsiz bolsa da soǵys paryz qylyndy. Bir jek kórgen nárselerińniń sender úshin qaıyrly bolýy múmkin. Jáne jaqsy kórgen nárselerińniń senderge jaman bolýy da múmkin. Alla biledi, sender bilmeısińder. 217 AIAT. Muhammed Ǵ.S. olar senen qurmetti aıda soǵysýdan suraıdy. Olarǵa: «Ol aıda soǵysý zor kiná. Degenmen, Allanyń jolynan tıý, Oǵan qarsy kelý, Mesjid Haramnan tyıý jáne onyń turǵyndaryn shyǵarý Allanyń qasynda taǵy zor kúná» de. Sondaı-aq jaýyzdyq, kisi óltirýden de zor. Eger olardyń shamalary kelse, senderdi dińderińnen qaıtarǵanǵa deıin ózderińmen soǵysýdy úzbeıdi. Senderden kim dinnen qaıtyp, ol kápir kúıinde ólse, olardyń amaldary dúnıe, aqyrette de joıylyp jáne olar tozaqtyq bolyp, olar onda máńgi qalady.

TÁÝBA SÚRESİ. 1 AIAT. Bul Alladan jáne Elshisinen, kelisim jasasqan múshrikterge bir qulaqtandyrý. 2 AIAT. Áı múshrikter! Jer júzinde tórt aı kezińder. Rasynda Alla osaldata almaıtyndyqtaryńdy jáne Alla, kápirlerdi qorlaıtynyn bilińder. 5 AIAT. Al qashan qurmetti aılar shyqsa, sonda múshrikterdi qaıdan tapsańdar da óltirińder. Olardy ustańdar, qamańdar jáne olardyń búkil joldaryn ańdyp otyryńdar. Sonda eger olar, táýbe qylsa, namazdy tolyq oryndap, zeket berse, onda olardyń jolyn bos qoıyńdar. Rasynda Alla jarylqaýshy, erekshe meıirimdi. 12 AIAT. Eger olar, ýádeleskennen keıin anttaryn buzyp, dińderine til tıgizse, qarsylyqqa jetekshi bolǵandarmen soǵysyńdar. óıtkeni olardiki ant emes. Olar bálkim tyıylar. 13 AIAT. Áı múminder! Anttaryn buzǵan, Paıǵambardy jurtynan shyǵarýǵa bel baılaǵan jáne senderge kıligýdi alǵash ret bastaǵan bir elmen nege soǵyspaısyńdar? Olardan qorqasyńdar ma? Eger ıman keltirgen bolsańdar, qorqýlaryńa Alla taǵy laıyǵyraq. 14 AIAT. Olarmen soǵysyńdar. Alla olarǵa senderdiń qoldaryńmen azap etsin de olardy qorlasyn. Ári olarǵa qarsy senderge nusyrat bersin. Sondaı-aq ıman keltirgen eldiń kóńilderin ashsyn. 16 AIAT. Sender ishterińnen soǵysqandardy sondaı-aq Alladan, Paıǵambardan jáne múminderden basqany dos etpegenderdi Alla, anyqtamaı bos qoıa beredi dep oılaısyńdar ma? Alla istegenderińdi tolyq bilýshi. 20 AIAT. Sondaı ıman keltirip, jurttarynan aýǵandar jáne Alla jolynda maldarymen, jandarymen soǵysqandar, Allanyń qasynda iri dárejege ıe. Mine solar, muratyna jetýshiler. 21 AIAT. Olardy Rabbylary óziniń márhametimen jáne rızalyǵymen sondaı-aq turaqty nyǵmetke ıe jannattarymen qýantady. (21) 22 AIAT. Olar onda máńgi qalýshylar. Rasynda Allanyń qasynda iri syılyq bar. 23 AIAT. Áı múminder! Eger ákeleriń, týystaryń ımannan kóri qarsylyqty jaqsy kórse, olardy dos tutpańdar. Al senderden kim olardy dos tutsa, onda olar zalymdar. 24 AIAT. Muhammed Ǵ.S.: «Eger ákeleriń, balalaryń, týystaryń, áıelderiń, aǵaıyndaryń, tapqan maldaryn, toqtap qalýynan qoryqqan saýdalaryn, jaqsy kórgen úıleriń senderge Alladan, Paıǵambarynan ári Onyń jolynda soǵysýynan artyq kórinse, Allanyń ámiri kelgenge deıin kútińder» de. Alla buzyq qaýymdy týra jolǵa salmaıdy. 29 AIAT. Kitap berilgenderden, Allaǵa, aqyret kúnine ıman keltirmegender jáne Allanyń ári Elshisiniń aram etken nárselerin aram dep bilmegender jáne de haq din Islamdy din dep moıyndamaǵandarmenen súmireıip, óz qoldarynan salyq bergenge deıin soǵysyńdar. 38 AIAT. Áı múminder! Senderge ne boldy? «Alla jolynda soǵysqa shyǵyńdar»,- delingen kezde, salmaqtaryńdy jerge saldyńdar. (Jerden qozǵalǵylaryń kelmedi) Aqyretten kóri dúnıe tirshiligin qoshtadyńdar ma? Negizinde dúnıe tirshiliginiń paıdasy aqyretke qaraǵanda óte az ǵana. 39 AIAT. Eger soǵysqa shyqpasańdar, Alla senderdi jan túrshigerlik azapqa ushyratady. Sondaı-aq oryndaryńa basqa qaýym keltiredi. Sender Allaǵa eshbir zıan keltire almaısyńdar. Alla, ár nársege kúshi jetýshi. 41 AIAT. (Áı múminder!) Jeńil ári aýyr túrde soǵysqa shyǵyńdar. Sondaı-aq Alla jolynda maldaryńmen, jandaryńmen soǵysyńdar. Osylaryń sender úshin qaıyrly, eger bilgen bolsańdar. 83 AIAT. Muhammed Ǵ.S. eger Alla seni Tábúkten Medınedegi soǵysqa barmaı qalǵan munafyqtar tobyna qaıtaryp aparsa, olar senen soǵysqa shyǵýǵa ruqsat surasa: «Áste menimen birge shyqpaısyńdar da menimen birge jaýmen esh soǵyspaısyńdar. Óıtkeni, sender alǵashqy ret otyryp qalýdy qoshtadyńdar. Al endi artta qalýshylarmen birge otyryńdar» de. 84 AIAT. Olardan bireý ólse, áste janaza namazyn oqyma da qabyrynyń basynda turma! Óıtkeni, olar Allaǵa, Paıǵambaryna qarsy keldi. Sondaı-aq olar buzyq kúıinde óldi. ÁNFAL SÚRESİ. 15 AIAT. Áı múminder! Eger soǵysta topty jaýmen kezdesseńder, sonda keıin sheginbeńder. 16 AIAT. Al jáne kim soǵys kúni, soǵys maıdanyn aýystyrý nemese topqa qosylýdan basqa túrde sheginse, árıne Allanyń qaharyna ushyraıdy. Orny tozaq, nendeı jaman oryn! 28 AIAT. Negizinde maldaryńdy jáne balalaryńdy syn dep bilińder. Allanyń qasynda zor syılyq bar. 39 AIAT. Muhammed Ǵ.S. Olarmen eshbir fıtna qalmaǵanǵa deıin jáne din bútindeı Allaniki bolǵanǵa deıin soǵysyńdar. Eger olar tyıylsa, rasynda Alla olardyń istegenderin tolyq kórýshi. 41 AIAT. Eger sender Allaǵa ári durys pen burystyń aırylǵan kúni; eki top qarsylasqan Bádir soǵysy kúni qulymyz Muhammed Ǵ.S ǵa túsirgen aıattarymyzǵa ıman keltirgen bolsańdar, daý joq. Sender, soǵystan oljalap alǵan nárselerden beste biri Allaǵa tán. Sondaı-aq Paıǵambarǵa, jaqyndaryna, jetimderge, miskinderge jáne jolda qalǵandarǵa tıisti ekendigin bilińder. Allanyń ár nársege tolyq kúshi jetedi. (41) 45 AIAT. Áı múminder! Qashan bir jaý toppen qarsylassańdar myqty bolyńdar da Allany kóp eske alyńdar, árıne qutylasyńdar. 57 AIAT. Sondyqtan olarmen soǵysta kezdesseń, olarǵa artyndaǵy adamdarǵa úlgi bolatyn soqqy ber. Bálkim olar túsiner. (57) 65 AIAT. Áı Paıǵambar! Múminderdi soǵysqa qyzyqtyr. Eger senderden sabyrly jıyrma kisi bolsa, eki júzdi jeńedi. Al eger senderden júz kisi bolsa, kápirlerden myńdy jeńedi. Óıtkeni, olar túsinbeıtin halyq. 72 AIAT. Shynynda ıman keltirgender, otandarynan aýǵandar, jáne maldarymen, jandarymen Alla jolynda soǵysqandar, sondaı-aq bosqyndardy ornalastyryp, kómek etkender, mine bular, bir-biriniń dosy. Al jáne ıman keltirip, kóshe almaǵandar bolsa, olar da kóshkenge deıin senderge olardyń eshbir aǵaıyndyǵy joq. Onymen qatar, eger olar, senderden din jaıynda bir járdem tilese, sonda senderge kómek etý mindet bolady. Biraq olar sendermen aralaryńda kelisim bolǵan elde bolsa, onyń jóni basqa. Alla istegenderińdi tolyq kórýshi. 74 AIAT. Iman keltirgender, otandarynan aýǵandar, Alla jolynda soǵysqandar, muhajirlerdi ornalastyryp, kómek etkender, mine bular; naǵyz múminder. Olarǵa jarylqaý jáne kórkem nesibe bar. 75 AIAT. Sondaı-aq keıin ıman keltirgender, otandarynan aýǵandar, jáne sendermen birge soǵysqandar, mine bular; senderden. Jáne týysqandar Allanyń Kitabynda bir-birine taǵy jaqyn. Rasynda Alla, barlyq nárseni tolyq biledi.

NISA SÚRESİ. 74 aıat: Endeshe, dúnıe tirshiligin aqyretke aıyrbastaǵandar, Alla jolynda soǵyssyn. Al kim Alla jolynda soǵyssa, sonda óltirilse, nemese jeńiske ıe bolsa, árıne oǵan iri syılyq beremiz. Asa qurmetti pikirshi, Koranda 6666 aıat bar, bizdiń biletinimiz ary ketse 10-ǵa jýyq aıatpen, ımamdar aıtatyn qulaqqa jaǵymdy, asty ústi jyp-jyltyr dámdi sózder, qalǵan aıattar jaıly eshkim esh ýaqytta esh nárse aıtpaǵan, tym-tyrys, jym-jyrt. Al biz Korannyń jolymen júrip, aıattaǵy dálelderdiń barlyǵyn halyqqa tolyq qandy jetkizýimiz kerek dep aıta qalatyndar tabyla qalsa, olar: dinbuzarlar, ıslamdy jamandaýshylar, qazaqty adastyrýshylar, sondyqtan olardy qýý kerek, elden alastaý kerek degen sekildi oılar qarsha boraıdy. Fatýa shyǵardyq olardyń bárin qýdyq, ketti, tipti qýmasaqta ár túrli joldarmen shet jaqqa ketip jatyr, nátıjesi aldaryńda, jas urpaqtyń ózi: Káfırlerdi óltiremiz, baýyzdaımyz, Inshalla! dep urandatyp otyr. Bul rolıktegi oqıǵa qazaqtyń basyna túsken qasirettiń basy ǵana…

A tak.
Qańtar 11, 2015 at 5:16 td Kýlk1md1 keltırmeshı)))) Tanır degen sozdın ozı Alla degen soz, nemese kýdaı degen magyna! Al Islam dınımızdın rodnoı aty! andagy vıde rolık taza ıslamdardyn týsırgenı dep oılasan katelesesın, býl kerısınshe ıslam dının jaman jagynan korsetý, al janagy songy aıatty teren týsın manın bılmı jatyp jenıl oıga shomylmaı! sonda ıslamdardy karalap oltırıp jatsa mysaly kapırler karap týrýymyz kerekpa sondaı magynada aıtylgan!
Sonda ıslam dının kaı betınmen jabaıy dın degın keptýr



JAÝAP. Kúlgeniń durys boldy. Biraq, Rabbynyń; Allah, Illah jáne oǵan tıesili 99 kórkem esimdi, kez kelgen «Ǵadjem» halyqtyń tiline aýdarýǵa bolmaıtynyn bilmeıtiniń, «kúlkińe» keri áserin tıgizip tur. Ne jaıly aıtqanymdy, Korandaǵy 6666 aıatty derligimen qazaqqa taldap berýdiń ornyna, janaza qýalap, kúnderin amaldap júrgen dindarlardan surap alarsyń. Al seniń; «andagy vıde rolık taza ıslamdardyn týsırgenı dep oılasan katelesesın, býl kerısınshe ıslam dının jaman jagynan korsetý» degen sóziń óte taıaz jaýap, sebebi ol rolıktiń naqty qaı jerde túsirilgeni anyqtalǵandyqtan quzyrly organdar Iýtbtan jáne taǵyda basqa saıttardan alyp tastady. Bizdiki qalǵan qutqanyn jınap, halyqqa, osyndaı osyndaı sharýa bolyp jatyr, saq bolyńdar deý, shyn máninde osyndaı taldaýdy Táńirshiler ǵana emes, Islam ımamdaryda óz saıttarynda taldap, halyqqa aqıqattyń betin ashýy kerek bolatyn. Seniń, «sonda ıslamdardy karalap oltırıp jatsa mysaly kapırler karap týrýymyz kerekpa», degen tujyrymyńnyń, saýattylyǵy men keremettegi sondaı, keremetke toly keremet dálel bolyp, kemeldenip tur. Durys, aıtatyn oıdy osylaı ashyq aıtyp qana qoımaı, kez kelgen adam túsine bermeıtindeı etip, kelilep, kılogramdap aıtý kerek…. Kúlkimdi keltirmeshi….

ermurat420@.ru
Qańtar 11, 2015 at 8:40 td Islam dini bizge berlgen úlken nǵmet allaǵa shúkirlik etip sonyn kadrne jeteıik aǵaıyn.



JAÝAP. Tilin «kalımaǵa» keltirgen qazaqtar úshin árıne Islam nyǵymet, sondyqtan Salafıler ýaǵyzdap júrgendeı Koran aıattarynan taıqymaı, termınderine qosaq qospaı, haq senimniń sara jolymen júrip Allah pen Islam jolynda beıishtiń eń bıik ahı taǵy Ferdaýsqa jetkenge ne jetsin. Aldaryńnan jarylqap, ıslamnyń qadirine jetińder.

Kóktúrik,
Qańtar 11, 2015 at 11:00 td Toqtar abyz degen myna azǵyn kim ózi? qaıda turady? táýbasyna keltireıin. Men dinshil emespin. Namaz oqymaımyn. Alaıda júregimde ıman bar. Musylman bop týdym musylman bop ólemin. Táńirshil bolǵan ıýngish, Hakas sıaqty ulttar ne boldy? aty da zaty da joıylýǵa taıady.

JAÝAP. Ýh qalaı á? «Toqtar abyz degen myna azǵyn kim ózi? Qaıda turady? Táýbasyna keltireıin» – deıt kúshenip, Kóktúrik degen bireý. Qashannan beri tektiligi alty Arys Qazaqty «qalpaqpen uryp» alatyn jaǵdaıǵa jetken? Qazaq bolsa bir sári! Uly júz bolsa – alda turad, Orta júz bolsa – daýda turad, Kishi júz bolsa – jaýǵa turad deýshi edi qazaq ulty, sabyr azamat sabyr, ashýyńdy bas der edim, olaı bolmaı tur. Sebebi, meniń uqqymda kelmeıtin, qanymdy olarǵa jaqyndatqym da kelmeıtin «kakoı to, g... túrktiń» atyn jamylǵan qazaqtyń «NAR» balasy, Araptardyń soıylyn soǵyp «Toqtar abyzdy, táýbasyna keltireıin» deeep kúshenip, azynap otyr. Meni Táýbaǵa keltirem deısiń, ıslamda Táýbaǵa keltirmeıdi, qulshylyqty nıet etken quldarǵa «kalıma» aıtqyzyp Allahqa «ıman» keltirtedi, sondyqtan ıslamda qulshylyqty áli nıet etpegen fandeni ımanǵa keltirýde zorlyq joq ekenin bilmeısiń. Namaz oqymaımyn deısiń, ıslamnyń talaby boıynsha bes ýaqyt «saláát» oqymaǵannyń júreginde ıman, myıyńda Allahty birleıtin aqyldyń bolmaıtynyn bilmeısiń. Musylman bop týdym musylman bolyp ólemin deısiń, biraq týylǵanda bir ulttyń ókili bolyp týyp, tilińdi «kalımaǵa» keltirip ıslamdy qabyldap tirlik jasap, pendelik oımen mýmın ne mýslımın bolyp óldim degenińmen, «hıamet haıymǵa» deıin qabir suraǵynda turyp, suraqtan aman ótken soń ǵana baryp, seniń ne naǵyz mýmın, ne naǵyz mýslım, ne naǵyz din buzǵan kafır bolǵanyń anyqtalyp, bahı dúnıeniń ne – jannatyna, ne – jahannamyna jiberiletinińdi bilmeısiń. Tirimde «mýslımmin» degen ekenmin, ólegende de «mýslım» bolyp qalyp, jannattan biraq shyǵam dep oılap júr ekensiń ǵoı, tapqan ekesiń op ońaı jaýapty, aldymen sen ólgennen keıin qabirde suralatyn Ankýr Mýnkirdiń alǵashqy suraqtarynan qutylyp al. Túk bilmeısiń, bilmestiń «kúshengeni» jaman bolady, sebebi sońy nasyrǵa shabady. Sondyqtan, ıslamdy qorǵaǵysh mýslımın bolǵyń kelse, bes ýaqyt saláátyńdy naqtap, júregińmen myıyńdy, Korannyń ashshy, tushshy aıattarymen qanyqtyr. Sondyqtan, ınternette otyryp alyp, bolashaqta Korannyń aıattary shyqqaly turǵan aýzyńnan «azǵynnyń» sózin aǵyzbaı, dálel sózderdi týrala. Sondyqtan, ıslamdy qabyldap sájdege basyńdy tıgizgennen soń Allah ornalasatyn júregińe, «qatygezdiktiń qamytyn» kıgizbeı, kisiliktiń meıirimin ornyqtyr. Sondyqtan, ıslamnan basqa senim men dinderdiń bári jaman dep, sheshim qabyldatyp aldap turǵan Myıyńa, nadandyqtyń tuqymyn sebe bermeı, ilim men ǵylymnyń zańdaryn ek. SONYMEN qısyq qyńyr pikir jazýǵa, qalaı bolsa solaı laǵnet aıtýǵa, unamaǵandy lezde táýbaǵa keltiretin «joıyt» bolýǵa Allaótyń dil ózinen ruqsat alǵan qudiretti qul bolsańdar da, buǵynyp otyryp qyshqyra bermeı, esimderińdi tolyq kórsetip meniń saıttaryma shyǵyńdar, tanysaıyq, biliseıik, áıtpese senderdiń qaı jerde otyrǵandaryńdy, aty jóderińdi tolyq bilý úshin, bosqadan bosqa bir kún ýaqytymdy qurttym, qazaqtyń qazaqty izdegeni qıyn jumys eken. Onyń ústine quqyq organdaryna, ıslamıster maǵan «Qamshy» portaly arqyly osyndaı osyndaı adresterden qoqan loqy kórsetip, táýbama keltirgeli jatyr dep eskertýde, aýyrtpalyǵy bar jumys eken. Sózdi soza bermeıin, meni izdegisi kelgender ınternettegi izdegishke Toqtar Abyz dep jazsańdar: Gýgl,Iýtýb,Iývıjen,Tvıtter,Kontakt,Maıl,Feısbýkten taýyp alasyńdar.

BİR SÓZ. Men bul portalǵa qazaq handyǵynyń 550 jyldyǵyna Báıge jarıalapty degen soń kirip, atýyna basýy týra kelip rolıgimdi kórip, esimime shamalary jetkenshe «tas laqtyryp» jatqandardyń sózderin oqyp, osy úshbý oıymdy jazyp otyrǵan jaǵdaıym bar. Eger, jazǵanymdy portaldaryń qoımasańdar, adresterińdi kórsetip ózimniń blogtaryma qoıam, basqa amal joq.