6 jeltoqsanda (bast. 17.00 de) Elbasy N.Á.Nazarbaevtyń «Rýhanı jańǵyrý» baǵdarlamasynyń «Jahandaǵy zamanaýı qazaqstandyq mádenıet» atty Halyqaralyq jobasy aıasynda QR Mádenıet jáne sport mınıstrliginiń qoldaýymen M.Áýezov atyndaǵy Qazaq Memlekettik akademıalyq drama teatrynyń «Tokıo saparyna» arnalǵan baspasóz konferensıasy ótedi. Konferensıa M.Áýezov atyndaǵy Qazaq Memlekettik akademıalyq drama teatrynda ótedi dep habarlaıdy Qamshy.kz aqparat agenttigi. 

Elbasy N.Á.Nazarbaevtyń «Rýhanı jańǵyrý» baǵdarlamasynyń aıasynda, Jahandaǵy zamanaýı Qazaqstandyq mádenıettiń mártebesin kóterý úshin M.Áýezov atyndaǵy Qazaq Memlekettik akademıalyq drama teatry QR Mádenıet jáne sport mınıstrliginiń qoldaýymen 2017 jyldyń 19-26 jeltoqsan aralyǵynda Japonıa astanasy Tokıoǵa «Aqtastaǵy Ahıko» qoıylymy jáne «Uly dala eli» atty Ult rýhanıatyn ulyqtaıtyn konserttik baǵdarlamamen gastróldik saparǵa shyqpaqshy. Sonymen birge, teatr mýzeıinen oryn alǵan qundy jádigerlerimiz ben ulttyq qundylyqtarymyzdy tanytatyn kórme uıymdastyrady.