Keshe Parıjdegi áıgili "Le Trianon" teatrynda "Astana Musical" teatrynyń etno-folklorlyq múzıkli "Qyz Jibek" qoıylymynda parıjdik kórermender ártisterdiń sheberlikterine erekshe qoshamet kórsetip, dý qol shapalaqtady. «Rýhanı jańǵyrý» baǵdarlamasy aıasynda QR Mádenıet jáne sport mınıstrliginiń uıymdastyrýymen gastróldik sapar bastaldy. Eýropanyń bes elinde ótetin eýrotýr Parıjden bastaý aldy dep jazady Qamshy.kz aqparat agenttigi QR MSM Baspasóz qyzmetine silteme jasap. 

Eýropadaǵy bul sheteldik týr – "Astana Musical" jas teatrynyń tarıhyndaǵy jańa beles. Qazaqstan quramasynyń ekskýrsıalary Eýropanyń Berlın (Germanıa), Parıj (Fransıa), Vena (Avstrıa), Brússel (Belgıa), Máskeý (Reseı) qalalarynda ótedi.

«Qazaqstan Respýblıkasynyń Mádenıet jáne sport mınıstrligi júzege asyryp otyrǵan «Jahandyq álemdegi zamanaýı qazaqstandyq mádenıet» jobasy qazaqstandyq shyǵarmashylyq jobalar men qazaqstandyq ujymdardyń jańa ıdeıalaryna tyń serpin beredi dep oılaımyn. Bul óz múmkindikterimizdi joǵary deńgeıge kóterý jáne álemge ulttyq mádenıettiń jetistikterin kórsetý úshin tamasha múmkindik», – deıdi "Astana Musical" teatrynyń kórkemdik jetekshisi Asqat Maemırov.

Jas qazaq teatry Parıj turǵyndaryna etno-folklorlyq múzıkl "Qyz Jibek" qoıylymyn syılady. Kórermenderdiń aıtýy boıynsha, qoıylymnyń ulttyq názik hosh ıisi birden seziledi, qazaq mádenıetin aıryqsha erekshelikterimen aıshyqtaıdy.

«QyzJibek» – qazaq fólklorynyń injý-marjany, álemdik ádebıettiń kez-kelgen jumysynan kem emes keremet týyndy. Súıispenshiliktiń ánurany bolyp tabylatyn týyndy – halyqtyń poezıalyq murasynyń barlyq saltanatty ulylyǵyn sińirgen.

Ańyzdyń negizgi keıipkerleri – Jibek pen Tólegen álemge áıgili Romeo men Djýletta sıaqty uly jáne jarqyn mahabbattyń sımvoly. Olardyń soǵysýshy ákelerin alánspen tatýlastyrý nıeti soǵys álemine ózderiniń názik sezimin usynady. Tarıhı oqıǵa jaýynger Tólegen men has sulý Jibek arasynda órbıdi. Bekejannyń soqyr qyzǵanyshynyń aıasyndaǵy kelispeýshilikter qaıǵyly jaǵdaıǵa aınalady. Tólegen óz qarsylasynyń qolynan qaza tapty, al Jibektiń ózi jaqyn adamynsyz ómir súre almaıdy. Jibektiń beınesi halyqtyń júreginde saqtalǵan sulýlyq, mahabbat pen adaldyqtyń jarqyn beınesi. «Qyz Jibek» ańyzy zamanaýı qazaq qoǵamynyń ortaq murasy bolyp tabylatyn ǵasyrlyq rýhanı jáne adamgershilik qundylyqtardy beıneleıdi.

Spektákldi tamashalaýdan keıin kórermender qazaq halqynyń poetıkalyq murasyn óziniń alýan túrliligimen jáne sulýlyǵymen taýyp alǵandyǵyn atap ótti. Tanymal qazaq áýenderi men ánderiniń mýzykalyq dáıektemelerinen basqa, kórermender halyqtyń baı mádenıetin – bata berý, joqtaý, aıtys syndy dástúrlerin kórdi.

«Til kedergilerine qaramastan, maǵan óte qatty unady. Men eshqashan mundaı atmosferada bolyp kórmeppin. Mádenıetterińiz ǵana emes, tarıhtaryńyzdy da sezine aldym. Spektákl ǵajap. Bári de óte sheber jáne tereń oılastyrylǵan. Dramatýrgıa da, kıimder de unady», – deıdi fransıalyq teatrtanýshy, rejıser Davıd Chavlıs Assatıanı.

«Asqan sezimtal ulttyq kolorıt nazardy baýrap alady, qazaq mádenıetine aıryqsha  áser berip turǵan – ózindik ishki dúnıesimen jáne aıqyndyǵymen tartady. Keremet qoıylym. Ártister men bıshilerdiń oryndaýy sonshalyqty ǵajap, aınalany túgel baýrap, kóńil túkpirine sheıin jaýlap aldy», – dep pikirimen bólisedi teatr synshysy, ónertaný doktory Marı-Krıstın Sırıjol.

«Qyz Jibek» –álemdik ádebıettiń osy sıaqty shyǵarmalarynyń birde-birinen kem túspeıtin sıpaty turǵysynan ádemi, qazaq fólkloriniń jaýhary. Mahabbat gımni bolyp tabylatyn bul shyǵarma halyqtyń poezıalyq murasynyń búkil ǵajaıybyn boıyna sińirgen.

Ańyzdyń basty keıipkerleri – Jibek pen Tólegen búkil álemge tanymal Romeo men Djýletta tárizdi úlken ári taza mahabbat sımvoly. Olardyń súıispenshilikke toly odaǵymen jaýlasqan ákelerin bitistirýge talpynystary, aınalyp kelgende, qyldaı sezimderdi bitispes urys jaǵdaıyna ákelip uryndyrady. Tarıhı oqıǵa batyr jaýynger Tólegen men has sulý Jibek arasynda órbıdi. Bekejannyń kózsiz qyzǵanyshy aıasyndaǵy kelispeýshilikter bitispes tragedıaǵa aınalady. Tólegen óziniń mqarsylasy qolynan qurban bolady, al Jibek óz súıiktisinsiz ómirin elestete almaıdy. Jibektiń obrazy – burynǵy zamandardan beri halyqtyń júreginde jattalyp qalǵan sulýlýqtyń, mahabbattyń jáne adaldyqtyń poetıkalyq obrazy. «Qyz Jibek» ańyzynda qazaqstandyq qoǵamnyń zamanýı jalpy qundylyǵy bolyp tabylatyn ǵasyrlyq rýhanı-adamgershilik qundylyqtary kórinis tapqan.

Búgin, 4-jeltoqsanda, qazaq trýppasy Kannda «Astana sazy» fólklorlyq ansambliniń súıemeldeýimen taǵy da «Qyz Jibek» múzıklin tanystyrady.

Eske salaıyq, «Astana Musical» teatry 2016 jyldyń maýsym aıynda Astana qalasynda Qazaqstan Respýblıkasy Mádenıet jáne sport mınıstrliginiń «Qazaqkonsert» memlekettik konserttik uıymynyń negizinde ashyldy. "Astana Musical" teatrynyń repertýarynda jańa týyndylarmen baıytylǵan, olardyń árqaısysy Astananyń mádenı ómirinde aıtýly oqıǵa bolyp, onyń turǵyndary men qonaqtaryn qýantýda. Spektáklden spektáklge deıin teatr ártisteriniń sheberligi ósip keledi, sebebi jas talant zor ynta-jigermen Qazaqstanda mýzykanyń janryn keńinen taratýda.