Shyǵys Qazaqstan oblysynyń mektepterinde «Qazaq halqynyń salt-dástúri men ádet-ǵuryptary» atty jańa fakúltatıvtik kýrs engiziledi. Ony osy jyly besinshi synyp oqýshylary oqıtyn bolady. Atalǵan kýrs 2017-2018 oqý jylynyń ekinshi toqsanynda bastalady. Fakúltatıvtik kýrs 17 saǵattan turady jáne ony synyp saǵatynyń esebinen synyp jetekshiler júrgizedi.
Jobany maqsaty – týǵan ólkeniń tarıhy, mádenıeti men dástúrlerin tereń zertteý. Ótken oqý jylynyń ekinshi jartysynda bul kýrs oblystaǵy toǵyz mektepte synaqtan ótti. Óskemende fakúltatıvti Muhtar Áýezov atyndaǵy №17 orta mektepte, Qumash Nurǵalıev atyndaǵy №43 mektep-lıseıde synaqtan ótkizdi. Synyp saǵattarynda oqýshylar topqa bóliný arqyly qazaqtyń ádet-ǵurpyn zerttep, ártúrli rólderdi bólisip alyp, ártúrli salt-dástúrdi kórsetti jáne plakattar jasap, synyp aldynda qorǵady.
Týǵan jerdiń tarıhy men mádenıetine esh baılanysy joq matematıka, aǵylshyn tili jáne basqa da pán muǵalimderi úshin bul tapsyrma qıynǵa soqpaı ma?
Jobanyń spıkeri, SHQO Bilim basqarmasynyń «Shyǵys» aımaqtyq ortalyǵy basshysynyń orynbasary Arkadıı Isaevqa osy suraqtardy qoıdyq.
Arkadıı Anatolevıch:
– Byltyr oblystaǵy toǵyz mektepte kýrstyń synaqtan ótip jatqan kezde biz synyp jetekshilerin de qosymsha pándi qalaı júrgizý kerek ekendigin úırettik. Bul kýrsty júrgizý úshin eki oqý baǵdarlamasy daıyndaldy. Onyń birin profesor Jylqybaeva basshylyq etken S.Amanjolov atyndaǵy SHQMÝ-daǵy ǵalymdar toby daıyndasa, ekinshisi «Sıtýatıvti qazaq tili» degen ataýmen aýyl sharýashylyǵy ǵylymdarynyń kandıdaty Tasybekovtyń basshylyǵymen daıyndaldy. 2017-2018 oqý jylynyń ekinshi jartyjyldyǵynda biz synyp saǵattarynyń ádistemelik ázirlemeleriniń konkýrsyn ótkizgeli otyrmyz. Sonyń qorytyndysy boıynsha ádistemelik qural shyǵaramyz, – deıdi.
Irına Plotnıkova
Fakúltatıvtik kýrs «Rýhanı jańǵyrý» qoǵamdyq sanany jańǵyrtý baǵdarlamasynyń aıasynda bastaý alǵan «Týǵan ólketaný tarıhy» jobasy aıasynda engizildi.
