Aǵymdaǵy jyldyń qazan aıynda Óskemende ótken «Týǵan jer» kásipkerler forýmynda «Meniń mektebim» arnaıy jobasy bastaý alǵan bolatyn. «Meniń mektebim» arnaıy jobasy – oblystaǵy mektepterdiń bilim sapasyn arttyrý úshin jaǵdaı jasaý maqsatynda kásipkerlerdiń, tanymal jerlesterdiń qatysýy. Arnaıy joba aıasynda jınalǵan qarajat aýdandardaǵy mektepterdiń fızıka, hımıa, bıologıa kabınetterin zamanaýı úlgide jabdyqtaý jáne Nazarbaev zıatkerlik mektepteriniń úlgisindegi robototehnıka synyptaryn ashý úshin jumsalady.
Forýmda oblys kásipkerleri mundaı ıgi is úshin 2,2 mlrd. teńge bólýge daıyn ekenderin aıtqan bolatyn, bul qajetti qarajattyń 80 %-yn quraıdy.
Barlyǵy 277 mekteptegi 425 kabınetti, onyń ishinde 38 fızıka, 37 hımıa, 78 bıologıa, 272 robototehnıka kabınetterin jańasha úlgide jabdyqtaý josparlanyp otyr. Qarajat jınaý erikti negizdi iske asyp jatqandyǵyn aıta ketkenimiz jón. Mektepterdi jabdyqtaý qoǵamdyq baqylaýda ortalyqtandyrylǵan túrde júrgiziledi.
«Meniń mektebim» aksıasy aıasyndaǵy qarajatty «Paryz» Shyǵys qazaqstan oblystyq qaıyrymdylyq qoryna aýdarýǵa bolady: BIN 100440015697; «ForteBank» AQ bank benefısıary; IIK KZ2596504F0007415141; kbe 18, knp 119 «Meniń mektebim» aksıasy degen belgi qoıý jáne qala/aýdan ataýyn kórsetý.
Baılanys telefondary: 8(7232) 617-988, +7 777 857 54 81, Óskemen qalasy, Ótepov kóshesi, 27., 92 ofıs
SHQO Aımaqtyq baılanys qyzmeti
