2017 jyldyń tamyz aıynda tildik pánderdiń úzdik 12 oqytýshysy oblys ákimi Danıal Ahmetovtan syıaqy aldy. Syıaqy mólsheri mardymdy boldy: 170 myńnan 800 myń teńgege deıin.
2017 jyly 29 qarasha kúni Astana qalasynda Ortalyq komýnıkasıalar qyzmetinde ótken Shyǵys Qazaqstan oblysy ákiminiń brıfıńinde muǵalimderge saralanǵan qarjylyq yntalandyrý týraly aıtyldy. Muǵalimder kásibı qyzmetteri úshin jıi syıaqy almaıdy. 2016-2017 oqý jylynda osyndaı marapatqa ıe bolý múmkindigi qazaq, orys jáne aǵylshyn tilinen sabaq beretin aımaqtaǵy 3400 muǵalimge buıyrdy. Danıal Kenjetaıulynyń bastamasymen oblysta iske asyp jatqan úshtildi bilim berý baǵdarlamasyn júzege asyrý aıasynda oqytýshylar kásibı sheberlikterin shyńdap, til meńgerý biliktiligin arttyrdy. Negizgi maqsat – úsh tildi meńgerip, erkin sóıleýleri úshin mektep oqýshylaryna ózderi úırengen oqý daǵdysyn jetkizý.
Oqytýshylar kýrstarda halyqaralyq úlgidegi oqýlyqtar boıynsha tildi úsh deńgeıli oqytý ádisterin meńgerdi. Olar qazaq tilin Abaı atyndaǵy QazUÝ-diń profesory, pedagogıka ǵylymdarynyń doktory Shamsıqyzy Faýzıa Orazbaeva daıyndaǵan oqýlyq boıynsha oqytady. Qazaq mektepterindegi orys tili RF MMPÝ profesory, fılologıa ǵylymdarynyń doktory Elızaveta Aleksandrovna Hamraevanyń baǵdarlamasy boıynsha oqytylady. Aǵylshyn tili Kembrıdjdik oqýlyqtarǵa súıenip oqytylady.
Kýrs qorytyndysy boıynsha barlyq muǵalimder emtıhan tapsyrdy. Arnaıy qurylǵan komısıa kýrstarda kásibıliktiń joǵary deńgeıin kórsetken 21 pedagogtyń jumystaryn baqylady. Aldymen oqytýshylardyń úırengen daǵdysyn oqýshylaryna úırete bilý qabileti eskerildi. Komısıa músheleriniń sheshimimen oqýshylary jaqsyraq úırengen 12 muǵalim oblys ákiminiń syıaqysyna ıe boldy. Syıaqy SHQO-daǵy pedagogıka salasyndaǵy qyzmetkerlerdiń dástúrli túrde ótetin tamyz jınalysynda tabystaldy.
SHQO-daǵy úshtildi bilim jobasy Respýblıkalyq «Rýhanı jańǵyrý» qoǵamdyq sanany jańǵyrtý baǵdarlamasynyń SHQO bilim basqarmasy "Shyǵys" óńirlik ortalyǵy" ázirlegen «Bilim jáne tárbıe» ishki baǵdarlamasy aıasynda júzege asýda.
foto s saıta
ortcom.kz
