Bul týraly Almaty qalasynyń Óńirlik kommýnıksıalar qyzmetinde ótken brıfıń barysynda Almaty qalasy Áýezov aýdanynyń ákimi Altaı Rahymbetov habarladydep jazady Qamshy.kz aqparat agenttigi.
Aýdan basshysynyń málimetine súıensek, Áýezov aýdandyq jumyspen qamtý bólimine jyl basynan 4163 adam ótinish bildirdi.
Jumyssyz retinde tirkeýde turǵandar sany – 1541 adam.
Aýdan boıynsha jumysqa ornalasqandar sany – 2397 adam.
2017 jyldyń qańtar–qarasha aılarynda aýdannyń ónerkásip kásiporyndarynda, shaǵyn jáne orta kásipkerlik nysandarynda 4561 jańa jumys oryndary quryldy.
Aýdan boıynsha barlyǵy járdemaqy jáne zeınetaqy alýshylar sany – 70453 adam, onyń ishinde járdemaqy alýshylar – 25259 adam, zeınetaqy alýshylar-45194 adam, UOS múgedekteri – 24, UOS qatysýshylary – 48.
Jyl basynan beri Memlekettik ataýly áleýmettik kómek - 56 adamǵa 1.769.4 myń tg. tólendi. 18 jasqa deıingi balalar járdemaqysy - 370 balaǵa 4.444.1 myń tg. Turǵyn úı kómegi - 406 adamǵa 4.226.6 myń tg. taǵaıyndalyp tólendi.
Jyl basynan 480 zeınetkerlik jasqa jetken múgedekter men jalǵybasty qarttarǵa 5 bólimmen úılerinde áleýmettik qyzmet kórsetiledi.
Aýdandyq densaýlyq saqtaý júıesinde 11 memlekettik, 38 jeke medısınalyq mekeme jáne 201 dárihana bar,- dep sózin túıindedi aýdan basshysy A.Rahymbetov.
Aýdan boıynsha 32 jalpy bilim beretin mektep jumys jasaıdy, onyń 9 mektep-gımnazıa, fızıka jáne matematıka pánderin tereńdetip oqytatyn 2 mamandandyrylǵan lıseı, 2 mektep-lıseı, 14 jalpy bilim beretin mektep. Oqytý tili boıynsha 11 mektepte qazaq tilinde, 11 mektepte orys tilinde, 9 mektepte qazaq jáne orys tilderinde, 1 mektepte uıǵyr tilinde oqytylady. Mundaı aqparatty Almaty qalasynyń Óńirlik kommýnıksıalar qyzmetinde ótken brıfıńte Áýezov aýdanynyń basshysy Altaı Rahymbetov aıtty.
Altaı Rahymbetovtyń aıtýynsha, 32 memlekettik mektepterdegi oqýshy sany 43 390, 32 mekteptiń jalpy syıymdylyǵy 31 745 oryn, onda 43 390 oqýshy oqıdy. Oqý ornynyń tapshylyǵy 3 047,5 quraıdy. Oqý ornynyń tapshylyǵy jylda artýda. № 117, 121, 123, 133, 158, 173, 175 mektepterde oqýshy sany shamadan tys. 2018 jyly Mamyr - 1 shaǵyn aýdanynda 1200 orynǵa arnalǵan jalpy bilim beretin mektep salyný josparlanyp otyr.
UBT-ń qorytyndysy boıynsha 2017 jyly qala boıynsha Áýezov aýdany 99,64 baldyq kórsetkishpen 2-oryn aldy, 99 mektep túlegi «Altyn belgi» ıegerleri atandy, - dep málimdedi Áýezov aýdanynyń basshysy Altaı Rahymbetov.
Altaı Erǵazyulynyń sózine súıensek, Áýezov aýdanyna bólingen jyldyq qarjy kólemi - 6740047,0 myń.teńgeni quraıdy, 11 aılyq - 6200797,0 myń.teńge qurady. 30.11.2017 jyldaǵy kúıi boıynsha ıgerilgen qarjy somasy - 6074444,0 myń teńge, aýytqý -126353,0 myń teńgege nemese 98.0%.
Sondaı-aq, 29-qarasha 2017 jylǵa memlekettik salyq túsimi 91,0 paıyzǵa oryndaldy. 2017 jyldyń salyq boljamy 81 926 935,0 myń teńge, naqty salyq túsimi 74 573 107,0 myń teńge.
Salyq túsimi men mindetti tólemniń kóbeıýine sáıkes búdjetke 74 573 107,0 myń teńge tústi.
Respýblıkalyq salyq túsimi 86,0 paıyzǵa oryndaldy. 2017 jyldyń respýblıkalyq salyq boljamy 57 618 954,0 myń teńge, naqty salyq túsimi 49 640 090,0 myń teńge.
Jergilikti salyq túsimi 103,0 paıyzǵa oryndaldy. 2017 jyldyń jergilikti salyq boljamy 24 307 981,0 myń teńge, naqty salyq túsimi 24 933 018,0 myń teńge, - dep habarlady Altaı Erǵazyuly óz sózinde.
