Brazılıada Bom Jardım qalasynyń burynǵy meri 27 jastaǵy Lıdıan Leıteni 14 jylǵa sottady dep habarlaıdy Qamshy.kz aqparat agenttigi Independent-ke silteme jasap.

Lıdıan Leıte qala búdjetinen $6 mıllıondy qaltasyna basyp, qashyp ketken. Alaıda qyzmetin tastamaı, WhatsApp messendjer arqyly qyzmetkerlerge tapsyrma berip otyrǵan.

Leıte 2012 jyly Maranán shtatyndaǵy eń kedeı qalaǵa mer bolyp saılandy. Onyń qala búdjetinen qarjy jymqyrǵany anyqtalǵanda tutqynǵa alý týraly sheshim shyqty. Ol ýaqytta Leıte shtat astanasy San-Lýıske kóship ketken. Sol jerde otyryp burynǵy qol astyndaǵylarǵa áli de mer ekenin aıtyp, nusqaýlar berip, qyzmetkerlerge prokýratýramen sóılesýge tyıym salǵan.

39 kún ótkennen keıin Leıteni polısıa ustady. Tergeý jumystary 2 jyl júrdi. Jaqynda sot sheshim shyǵardy. Burynǵy mer 14 jylǵa bas bostandyǵynan aıyryldy.