«Paryz» respýblıkalyq konkýrsynda Eýrazıalyq Top bıznestiń áleýmettik jaýapkershiligi boıynsha gran-prı ıegeri atandy. Bul joǵary marapatty Qazaqstan Respýblıkasy Prezıdenti Nursultan Nazarbaev búgin Eurasian Resources Group dırektorlar Keńesiniń tóraǵasy Aleksandr Mashkevıchke tabystady.
«Búgin Memleket basshysynyń qolynan osyndaı joǵary marapatqa ıe bolǵanymyzǵa óte qýanyshtymyz, ári Nursultan Ábishuly Nazarbaevqa bizge osyndaı baǵa berip, qoldaý kórsetkeni úshin rızashylyǵymyzdy bildiremiz. Eýrazıalyq Topqa «Paryz» baıqaýynyń gran-prıiniń berilýi turaqty damý salasyndaǵy jáne áleýmettik jaýapkershiliktegi bizdiń tańdaǵan strategıamyzdyń durystyǵyn dáleldeıdi. Elbasy jarıalaǵan Qazaqstannyń Úshinshi jańǵyrýynyń tórtinshi basymdyǵyna sáıkes, Eurasian Resources Group adamı kapıtaldyń sapasyn kóterý arqyly óziniń áleýmettik qyzmetin odan ári jalǵastyrady», - dedi ERG dırektorlar Keńesiniń tóraǵasy Aleksandr Mashkevıch.
Aıqyn kórsetkishterdiń biri – kompanıanyń 2012-2016 jyldardaǵy áleýmettik ınvestısıalary 100 mlrd teńgeden asty. Osy kezeńde ERG kompanıasy jumysshylardy áleýmettik qorǵaýǵa jáne áleýmettik salany qamsyzdandyrýǵa 47 mlrd teńgeden astam qarjy jumsady. Osylaısha, Eýrazıalyq Top áleýmettik áriptestik ınstıtýtyn damytýǵa, ári eńbek ujymdarynda kelisim pen turaqtylyqty saqtaýǵa yqpal etedi.
Eýrazıalyq top 2015 jyly óz qyzmetkerleri úshin «Qazaqstan Ipotekalyq Kompanıasy» AQ-men jaldamaly turǵyn úıdi júzege asyrý týraly kelisimge qol qoıdy. Budan bólek, Top kásiporyndarynda densaýlyq saqtaý men kásibı aýrýlardyń aldyn-alý, qyzmetkerlerdiń biliktiligin arttyrý boıynsha tıimdi baǵdarlama júzege asyrylýda.
«Sońǵy bes jylda 27 myńnan astam adam bilimin jetildirdi. Osy maqsattarda ERG 2012-2016 jyldary 3,6 mıllıard teńgeden astam qarjy saldy. Toptyń árbir derlik kompanıasynda ózderiniń oqý ortalyqtary qyzmet etýde», - dep habarlaıdy kompanıanyń baspasóz qyzmeti.
Korporasıa sondaı-aq, óz kásiporyndary jumys isteıtin óńirlerde 62 bilim berý mekemesimen birlese dýaldi bilim berý júıesi boıynsha kadrlar daıarlaýǵa atsalysýda. Tek qana 2013-2016 jyldary toptyń kásiporyndaryna 2500-den astam túlek jumysqa ornalasty, óndiriste shamamen 11 000 adam tájirıbeden ótti.
Eýrazıalyq Toptyń áleýmettik ınvestısıalaryndaǵy jeke blok – demeýshilik jáne qaıyrymdylyq. Osy maqsattarǵa sońǵy bes jylda ERG 53 mlrd teńgeden astam qarajat jumsady.
Kompanıa jyl saıyn óz kásiporyndary ornalasqan tórt oblys – Aqtóbe, Qaraǵandy, Qostanaı jáne Pavlodarda mańyzdy áleýmettik-ekonomıkalyq jobalardy júzege asyrady. Osy aımaqtardyń ákimdikterimen ózara yntymaqtastyq týraly memorandýmdarǵa qol qoıylyp keledi. Sondaı-aq, strategıalyq «Týǵan jer – Rodnye goroda» baǵdarlamasyn iske qosty. Onyń negizgi maqsaty - ERG kompanıalary jumys isteıtin óńirlerdegi jumysshylar men búkil qoǵamnyń ıgiligi úshin, toptyń áleýmettik ınvestısıalarynyń barynsha tıimdi jumys isteýi
Tek 2016 jyly Eýrazıalyq top «óz» oblystarynyń ákimdikterimen jalpy somasy 5,1 mlrd teńge bolatyn memorandýmdarǵa qol qoıdy. Bıylǵy jyly osy ınvestısıalardyń kólemi 7 mlrd teńgege deıin ósti.
