Paranormal qubylystarmen aınalysatyn mamandar vıdeoda elestiń dálizde júgirgeni anyq kóringenin aıtady, - dep habarlaıdy Qamshy.kz aqparat agenttigi Tengrinews.kz-ke silteme jasap. Vıdeony eles ańdýshylar Iorkshır graftyǵyndaǵy qaraýsyz qalǵan záýlim úılerdiń birinde túsirgen. Bul úı XVII ǵasyrda salynǵan eken. 

"Biz ony kórgen joqpyz, tek jazbany teksere kele baıqadyq. Vıdeoda qara kóleńke sıaqty beıneniń operatorǵa qarap turyp, keıin qashyp ketkeni kórinedi. Jergilikti turǵyndar bul záýlim úıde túsiniksiz jaıttar bolatynyn eskertken, rasynda da solaı eken", - deıdi mamandardyń biri Mark Vernon.

Sonymen qatar, 51 jastaǵy Mark komandanyń taǵy bir múshesi ózge bólmege kirgende kameraǵa ókirgen daýys jazylǵanyn aıtady. 

Alaıda Jeli qoldanýshylarynyń kóbi muny eles emes, jaı ǵana kóleńke nemese kamera obektıvine túsken sáýleniń shaǵylysýy ekenine senimdi.