Qazaqstanda SPID aýrýlarynan góri týberkýlez aýrýyna shaldyǵyp, qaıtys bolatyndardyń sany artyp keledi. Bul týraly «Stop TB» seriktestiginiń atqarýshy hatshysy Lýchıka Dıtıý Orta Azıa elderi boıynsha týberkýlezdi shekaralyq baqylaý keńesinde málimdedi, dep jazady Qamshy.kz aqparat agenttigi.
Onyń sózderine súıensek, týberkýlez álem boıynsha ınfeksıalyq aýrýlardyń kóshin bastap tur. Ozyq tehnologıa men medısınanyń damýyna qaramastan jaǵdaı esh ózgerissiz.
Dıtıýdyń aıtýynsha, barlyq aýrýlardyń 10%-y mıgranttarǵa tıesili, sondyqtan aýrýlardy baqylaý qıynǵa túsedi. İs-árekettiń tıimdiligin arttyrý maqsatynda Astana Orta Azıa elderimen dıalog qurǵan.
Shara barysynda qatysýshylar týberkýlezben kúres máselelesin talqylady. «Týberkýlezdi joıý» DDSU strategıasyn júzege asyrý máselesi kóterildi.
Ftızıopýlmonologıa Ulttyq ǵylymı ortalyǵynyń dırektory Málik Adenovtiń sózinshe, 2017 jyly týberkýlezben aýratyn 9 myń adam tirkeldi. Qazaqstanda 100 myń adamǵa shaqqanda onyń 52-si týberkýlez aýrýyna shaldyqqan.
2017 jyldyń tamyzynda QR Densaýlyq saqtaý mınıstrliginiń baspasóz qyzmeti sońǵy 10 jylda týberkýlez aýrýynan kóz jumatyndardyń sany 5 esege azaıǵanyn habarlaǵan.
2016 jyldyń 31 mamyrynda Qazaqstanda týberkýlezden emdelýge bas tartyp júrgen 68 adam izdestirilgen. Bas prokýratýra aýrýǵa shaldyqqan adamdardyń jaýapkershiligi de myqty bolý kerek ekenin jetkizgen edi, sebebi juqpaly aýrýdyń ózge adamdarǵa tarap ketpeýi mańyzdy.
