Almatyda qaýipti qylmysker ustaldy, ol úsh áıeldi óltirgenin moıyndady. Sońǵysyn qashyp júrgende jolyqtyryp qalǵan dep habarlaıdy Qamshy.kz aqparat agenttigi sputniknews.kz-ke silteme jasap. Keshe keshke ol jaıaý júrginshiniń tamaǵynan oryp jibergen.
Almaty polıseıleri bir apta buryn Jetisý aýdanynda apaly-sińlili eki áıeldi jáne keshe kezdeısoq ótip bara jatqan qyzdy óltirgen "jan alǵyshty" ustady. Ol qylmys jasaǵanyn birden moıyndaǵan.
Aqparatty Almaty İİD rastady.
"7 jeltoqsanǵa qaraǵan túni Almaty qalasy İİD Qylmystyq polısıa basqarmasynyń qyzmetkerleri qalanyń eki turǵynymen birge spırttik ishimdik iship, turmystyq janjal kezinde olardy óltirdi degen kúdikpen P. esimdi azamat ustaldy. Belgili bolǵandaı, 1994 jyly týǵan qyzdy da óltirgen bolyp shyqty", — dep jazylǵan habarlamada.
Aldyn ala málimet boıynsha, sońǵy qylmys Raıymbek dańǵyly men Bókeıhan kóshesiniń qıylysyna jaqyn mańda keshe keshki saǵat toǵyz shamasynda jasalǵan. Qylmysker sol jerden ótip bara jatqan qyzdy zorlamaq bolǵan.
Ol qyzdy qandaı da bir sebeppen zorlaı almaǵan. Qanisher shynynyń synyǵymen onyń tamaǵynan oryp jibergen. Qyz sol jerde kóz jumady. Qylmysker onyń telefonyn alyp, qylmys bolǵan jerden ketip qalǵan, sodan soń "jedel járdem" men polısıaǵa qońyraý shalyp, qanǵa bógip jatqan qyzdy kórgenin, dárigerler ómirin arashalap qalýy múmkin ekenin aıtqan. Qylmys bolǵan jer dál aıtylmaǵandyqtan dárigerler men quqyq qorǵaý organdarynyń qyzmetkerleri ony kem degende 40 mınýt izdegen. Qyz tabylǵan kezde ol qaıtys bolyp ketkeni anyqtaldy.
Polıseıler qylmyskerdi qala shetinde ornalasqan shaǵyn aýdandardyń birinen izin sýytpaı ustady.
Ustalǵan adam birden bir emes, úsh qylmys jasaǵanyn moıyndady. Jetisý aýdanyndaǵy jeke úılerdiń birinde 2 jeltoqsanǵa qaraǵan túni jantúrshigerlik qylmys jasalǵan bolatyn. Ol kezde apaly-sińlili áıelderdi belgisiz bireý birneshe jerden pyshaqtap ketken edi.
Birneshe kún buryn polıseıler 34 jastaǵy er adamǵa izdeý jarıalady.
