KHDR soldaty óz elinen Ońtústik Koreıaǵa qashpaq bolǵan. Alaıda osy kezde oǵan soltústik koreıalyq soldattar oq jaýdyryp nátıjesinde er adam jaralanyp qalǵan.  Bul týraly Qamshy.kz aqparat agenttigi Life-qa silteme berip habarlaıdy.

Ońtústik Koreıa jaǵy soldatqa kómektesip ony aýrýhanaǵa jetkizgen. Dárigerler tıisti zertteýlerdi júrgizgen soń, er adam aǵzasynan parazıtter tabylǵan.

Ońtústik koreıalyq dáriger óziniń tájirıbesinde mundaı sumdyq jaǵdaıdy kezdestirmegenin aıtady. «20 jyldyq tájirıbemde mundaıdy kórgen joqpyn. Onyń aǵzasynda 26 santımetr uzyndyqtaǵy parazıtter bolǵan. Basynan ótkergen jaǵdaılardan keıin onyń tiri qalýy ekitalaı edi»,-deıdi ol.

Dárigerlerdiń aıtýynsha, parazıtter soldat ishine buzylǵan taǵam arqyly enýi múmkin edi. Soltústik Koreıada azyq-túlikterdi ósirý kezinde ony adam  nájisimen  tyńaıtady deıdi olar. Eger azyq-túlikti arnaıy zattarmen tyńaıtpasa, parazıtter adam aǵzasyna kókónisterdi jegen kezde enýi múmkin eken.