Almatyda bas shyrsha 18 jeltoqsanda Táýelsizdik kúninen keıin jaǵylatyn boldy.
«Qalany jańajyldyq árleýde ulttyq naqyshtaǵy elementter qoldanylady», - deıdi Almaty qalasy ákimdiginiń baspasóz qyzmeti.
Qalalyq ákimdiktiń baspasóz qyzmetinde habarlaǵandaı, Almaty qalasyn jańajyldyq bezendirý jumystary Qazaqstan Respýblıkasy Táýelsizdigi kúninen soń 18 jeltoqsanda bastalady. Jańajyldyq bas shyrsha 18 jeltoqsanda jaǵylady. Ótken jyldaǵy bezendirý buıymdary bıyl da qoldanylatyn bolady. Alaıda qala turǵyndary arasynda urlaý, tonaý jıi kezdesedi. shyrshadaǵy oıynshyqtar, shaǵyn arhıtektýralyq pishinderdi, konstrýksıalardy buzý, syndyrý jıi kezdesedi.Sondyqtan kóptegen buıymdar jaramsyz bolyp qalady.
Dástúr boıynsha jańajyldyq bezendirýge kásiporyndar arasynda baıqaý júrgiziledi. Baıqaýǵa kásiporyndar, mektepter, JOO, aýrýhanalar qatysatyn bolady.
Aıta keter bolsaq, QR Táýelsizdigi kúni qarsańynda 15 jeltoqsanda Respýblıka saraıynda Abaı atyndaǵy memlekettik akademıalyq opera jáne balet teatrynda merekelik konsertter ótedi.
16 jeltoqsanda N.Tilendıev atyndaǵy memorıaldyq mýzeıde ashyq esik kúnderi uıymdastyrylady.
Osy kúni Almaty mýzeıinde «Almaty - táýelsizdiktiń altyn besigi» kórmesi ótedi.
Basty meıram 16 jeltoqsan kúni Astana alańynda merekelik otshashýmen aıaqtalady.
Sonymen qatar, mereke qarsańynda «Almaty jastary» baǵdarlamasy boıynsha jastarǵa baspana kilti tabystalady.
16-17 jeltoqsanda «Táýelsizdik» monýmenti men «Táýelsizdik Tańy» monýmentine gúl shoqtaryn qoıý rásimi ótedi.
Sonymen qatar, Almatyda qos mereke aldyndaǵy bezendirý jumystaryna 175 mln teńge jumsalady.
Bıyl qalalyq Mádenıet jáne arhıv basqarmasyna QR Táýelsizdigi kúni jáne Jańa jyl merekesi aldyndaǵy bezendirý jumystaryna 175 mln teńge bólinip otyr. Byltyr bul soma 215 mln teńgeni quraǵan bolatyn.
«Bıyl tek basty kósheler ǵana emes, 8 aýdandaǵy kóshelerdiń barlyǵy árlenedi. Qaladaǵy uzyndyǵy 260 km bolatyn barlyq kópirler men jol aıyryqtarynda gırlándalar, ılúmınasıalar, barlyǵy 6800 element ilinedi, sondaı-aq shaǵyn arhıtektýralyq músinder men kronshteınder ornatylady. Bulardyń barlyǵy kelesi jyly da paıdalanylatyn bolady. Odan bólek ár aýdannyń ákimdikteri shyrsha ornatyp, balalarǵa merekelik sharalar ótkizedi», - dedi qalalyq Mádenıet basqarmasynan.
Qalada 18 jeltoqsannan keıin Respýblıka saraıy, Abaı atyndaǵy opera jáne balet teatry, QR Tuńǵysh Prezıdenti parki, Almaty arena saraıy mańynda 15 shyrsha ornatylady.
