Almaty qalasynda bir  adamnyń densaýlyǵyn jaqsartýǵa jumsalatyn shyǵyn 17081 teńgeden 55 myń teńgege jetti.

Almaty qalalyq Densaýlyq saqtaý basqarmasyna jýyrda ǵana jańa basshy taǵaıyndaldy.  Den­saý­lyq saqtaý salasynda  aty-jóni  kópshilikke tanys Serikbol Mý­sınov almatylyq aq halatty abzal jandarmen ótkizgen alǵashqy jıynynyń elimizdegi ulyq mereke­lerdiń biri Tuńǵysh Prezıdent kúnimen sáıkes kelýin jaqsylyq­qa joryp, basqarmanyń jyl basynan beri atqarǵan jumysta­ryna sholý jasap ótti.

Jańa basshy kóz júgirtken jetistik­terge biz de qulaq túrip  kórsek, Almatynyń densaýlyq saqtaý salasynda oń ózgerister kóp kórindi. Eń bastysy týý kórset­kishi kóbeıip, ana men bala óliminiń  kór­setkishi  tómendegen. Týberký­lez aý­rýyna shaldyqqandar sany azaıyp, osy aýrýdyń saldarynan bolatyn ólim-jitim kórsetkishi 36 pa­ıyzǵa tómendepti.  Densaýlyq saqtaý salasyna bólinetin qarajat kólemi sońǵy on jylda 5 esege artyp, ol 19,5 mıllıard teńgeden qazirgi  kezde 99,5 mıllıardqa jetip otyr.

Almaty qalasynda bir  adam­nyń densaýlyǵyn jaqsar­týǵa jum­salatyn shyǵyn 17081 teńgeden 55 myń teńgege jetipti.   Densaýlyq­ty jaqsartýǵa degen oń kózqaras, qala turǵyndarynyń  salaýatty ómir saltyn ustanýyna qajetti barlyq jaǵdaılar qaras­tyrylýy­nyń nátıjesinde turǵyn­dardyń ómir súrý jasy 5,5 jasqa ulǵaıyp, ol qazir 75  jasty qurap otyr.

Almaty qalasy Orta Azıa jáne Qazaqstan boıynsha  Dúnıe­júzilik Densaýlyq saqtaý uıymy­nyń  «Salamatty qala» jobasyna enge­nin de Serikbol Mýsınov maqta­nyshpen aıtyp ótti. Medı­sınalyq týrızmdi damytý qarqyn­dy júr­gizilýde. Halyqqa stasıo­narlyq jáne basqa da medısınalyq kómek kórsetýde jekemenshik medısına mekemeleriniń úlesi artyp keledi. Jeke ınvestısıa esebinen emhana, EKO ortalyǵy quryldy.  Qazirgi kezde Almaty qalalyq Densaýlyq saqtaý basqar­masyna qarasty emhanalar men aýrýhanalarda MÁMS júıesi boıynsha júıeli jumystar atqa­rylýda. Búgingi kúnge deıin qala emhanalaryna 1 mıllıon 800 adam tirkelip,  óz mártebelerin anyqtap úlgergen. Jańa basshy Almatynyń jańa emdeý nysandaryn salý,  kúr­deli jóndeýdi qajet etetin meke­melerdiń  kúrdeli jóndeýden ótki­zi­­lýin de jaqsy baǵalap ótti. Je­del járdem kólikteriniń jańar­tylyp, bul sala jumy­synyń jańasha uıymdastyrylýy, qala­daǵy eń iri aýrýhanalardyń biri  — №4 qalalyq klınıkalyq aýrýha­nanyń qabyldaý bóliminiń naýqas­tarǵa keshendi kómek kórsetetin  «Emer­gency romm»  júıesine kóshýi de Almatynyń densaýlyq saqtaý saqtaý salasyndaǵy úlken jańa­lyq­tardyń biri ekendigin ataı kelip,  basqarmanyń jańa basshysy osy jetistikterdi odan ary qaraı  arttyryp,  keler jyly da osy qar­qynda jumys isteýge áriptesterin shaqyryp, Almatynyń aq jeleńdi abzal jandaryn Tuńǵysh Prezı­dent kúni merekesimen quttyqtady.