Qazaqstandyq bloger Danıar Enıkeev Brıtanıa turǵyndarynyń qazaqstandyq qyzdar týraly oıyn bildi dep jazady Qamshy.kz aqparat agenttigi. Ol elimizdegi birqatar belgili burymdylardyń fotolaryn júrginshilerge kórsetip, qaı eldiń azamatshasy ekenin surady. Olardyń ishinde prodúser Baıan Esentaeva, ánshi Erke Esmahan, sánbıke Aııa Shalqar, telejúrgizýshi Dará Aleksandrova, voleıbolshy Sabına Altynbekova, aktrısa Bıbigúl Súıinshalına, ánshi Tatána Morgýnova bar. Saýalnamaǵa ártúrli jastaǵy adamdar qatysty. Olardyń eshqaısysy joǵaryda atalǵan sulýlardyń Qazaqstandiki ekenin taba almady. Saýalnamaǵa qatysýshylar túrli elderdi atady. Onyń ishinde Fransıa, Koreıa, Qytaı, Ispanıa, Taıland jáne t.b elder bar.

Danıar Enıkeev sýrettegi qyz, kelinshekterdiń barlyǵy bir eldiń týmasy ekenin estigende saýalnamaǵa qatysýshylar tań qaldy. Aralarynda Qazaqstannyń qaıda ekenin bilmeıtinder de boldy.