Palestınadaǵy zaıyrly jáne dinı qozǵalystar AQSH prezıdenti Donald Trampqa qarsy sherýge shyqty, dep jazady Qamshy.kz aqparat agenttigi. Buǵan sebep Tramptyń sársenbi kúni ejelgi qalany Izraıldiń astanasy dep jarıalaýy boldy.

Onyń bul sheshimine Arab elderi ǵana emes, Rım papasy, Birikken Ulttar Uıymy, Eýropa odaǵy, Ulybrıtanıa, Túrkıa, Reseı, Qytaı, Malaızıa, Indonezıa jáne taǵy basqa elder narazylyq bildirdi.

 Palestına bilim mınıstrligi búgin oqýdy toqtatyp, barlyq muǵalimder men stýdentterdi jalpyhalyqtyq sherýge úndedi. Qarsylyq aksıalary Batys jaǵalaýda, Gaza sektorynda, Ierýsalımniń palestınalyqtar mekendeıtin aýdandarynda ótip jatyr.

Aıta ketsek, Ierýsalımdi Izraıl 1967 jylǵy soǵysta basyp aldy. Alaıda, álemdik qaýymdastyq tarıhı shaharǵa evreı memleketiniń bıligin moıyndaǵan emes. Palestına bolsa, Ierýsalımniń shyǵysyn óziniń bolashaq memleketiniń astanasy etýden úmitti. Biraq, Amerıka «tarıhı jáne ómir shyndyǵyn» alǵa tartyp, buǵan qarsy sheshim qabyldap otyr. I

«Biz barsha jurtty Amerıkanyń arsyz agresıasyna qarsy turýǵa shaqyramyz. Qaıtalap aıtamyn – arsyz agresıasyna. Qurama Shtattar halqymyzǵa basqynshylyq jasap, oǵan tipti soǵys jarıalap otyr. Ierýsalımde Islam men Hrıstıan dini úshin de qasıetti oryndar bar», - dedi «Hamas» qozǵalysynyń lıderi Ismaıl Hanıa.