Túrksib aýdanynda ornalasqan «Mart» saýda ortalyǵynda jappaı syrǵanaýǵa arnalǵan taǵy bir tegin muz aıdyny ashyldy, dep habarlaıdy aqparattyq jáne sporttyq HAB .
Bul syrǵanaq almatylyqtar men qala qonaqtary úshin eki tehnıkalyq úzilispen (muzǵa baılanysty) táýlik boıy tegin jumys isteıdi. Onyń jalpy kólemi 722 sharshy metrdi quraıdy. Sonymen qatar, alań kónkılerdi jalǵa berý jáne tamaqtaný ortalyqtarymen qamtamasyz etilgen. Olar demalys kúnderi 11:00-den 23:00-ge deıin, al jumys kúnderi 12:00-den 22:00-ge deıin jumys isteıdi. Kónkıdi 1 saǵatqa jalǵa alý 600 teńgeni qurasa, qonaqtar óz kónkılerimen kelip tegin syrǵanaýǵa múmkindik alady.
«Bul syrǵanaq óte keremet eken, Medeýdegideı. Osy ýaqytqa deıin kóptegen arenalarǵa baryp júrdik, endi osy jerge jıi kelip turatyn bolamyz. Búgin biz dostarymyzben óz kónkıimizdi alyp keldik. Qansha ýaqyt syrǵanasan da óz qalaýyn, al kónkı alam degenderge baǵasy da arzan eken. Uıymdastyrýshylarǵa rahmet», – dep Ilá men Edvard óz oılarymen bólisti.
Aıta keter bolsaq, jeltoqsannyń 1-i kúni osyndaı tegin muz aıdyndary Jibek joly – Abylaı han kóshesinde jáne Qazaqstannyń Tuńǵysh Prezıdenti saıabaǵynyń aldynda ashylǵan bolatyn. Olardyń jalpy aýmaǵy 800 jáne 840 sharshy metrdi quraıdy.
Sonymen qatar, barlyq muz aıdyndary jańa jyldyq bezendirý stılinde rásimdelgen. Birneshe kúnderden keıin tegin muz alańdary Áýezov aýdanynda, Jandosov kóshesindegi “Dýbok” yqsham aýdanynda (jalpy aýdany 924 sharshy metr), Bostandyq aýdanynda “Vılla deı Fıorı” kesheniniń mańynda (600 sharshy metr), Medeý aýdany “Spartak” (Ortalyq mádenıet jáne demalys saıabaǵy) stadıonynda (800 sharshy metr), Alataý aýdany “Saıaly” yqsham aýdanynda jáne Naýryzbaı aýdanyńdaǵy № 174-shi gımnazıanyń mańynda iske qosylady.
Atalǵan muz aıdyndar tek jappaı syrǵanaýǵa arnalǵan. Olar qys mezgiliniń sońyna deıin jumys isteıdi. Joba uıymdastyrýshysy Almatyqalasynyń ákimdigi bolyp tabylady.
Muz aıdyndaryn qalanyń barlyq qonaqtary men turǵyndary táýligine 24 saǵat boıy paıdalana alady. Syrǵanaıtyn jerlerde kelýshiler úshin tamaqtanatyn oryndar men kónkıılerdi jalǵa alý uıymdastyrylǵan.Kónkıılerdi 1 saǵatqa jalǵa alý quny 600 teńge. Jalǵa berý oryndary jaı kúnder tańǵy saǵat 10-nan túngi 22.00-ge deıin, al demalys kúnderi kúndizgi saǵat 12.00 den 00.00-ge deıin isteıdi.
Aıta ketsek, «Muz, balalar, sport alańdary qalalyqtardyń taza aýada sportpen shuǵyldanýlaryna jaqsy jaǵdaı jasaıdy. Muz aıdyndaryna óz kónkıılerimen kelip, otbasymen birge syrǵanaýǵa bolady», - dep Almaty ákimi BaýyrjanBaıbek atap ótken bolatyn.
Almatyda sońǵy eki jylda 732 aýla alańdary abattandyryldy. Bul - qaladaǵy árbir besinshi aýla.«Meniń aýlamdaǵy sport» baǵdarlamasy aıasynda 6 myń bala kásibı nusqaýshylarmen birge aýlalardaǵy 75 sport alańdarynda jattyǵýda. 2020 jylǵa deıin qalanyń barlyq 600 sport alańyn qamtý josparlanǵan.
