Sońǵy jyly emes aılarda Qytaıdyń elimizge taralýy eselep qarqyn alýda. Kóp ýaqyttan beri qytaıdyń Qazaq jerine jaıylý saıasaty Aqtóbe munaıynan bastaldy. Ekonomıkamyzdy maıly tetigin qolyna alǵan olar búginde qazaqstandyq saıası bılikke de óz yqpaldaryn júrgize bastaǵany sezilýde. Ekonomıkalyq ıntegrasıalyq prosester degen jeleýmen Qytaıdyń munaı jáne 51 zavodyn kóshirýshi óndiris alpaýyttary bizdiń jerimizde túpkilikti ornyǵýǵa umtylýda. Dıplomatıalyq qatynasqa qoly jetken qytaılyqtar búginde ekonomıkalyq, mádenı jáne áleýmettik baılanystyń túrli salalaryn kóbeıtý jolymen elimizge synalap kirip, sany jaǵynan da kóbeıip keledi. Aqyry «uly Qytaı kóshi» aqıqatqa aınaldy.
«Aýrýyn jasyrǵan óledi» - Qazaqstannyń túrli aımaǵyndaǵy ekstremıstik kóńil kúıdegi aǵymdardyń jandanýynyń jáne syrttan bolýy múmkin ekstremıstik túrli dinı aǵymdardyń yqpalynyń Qazaqstanǵa da qaýipti ekenin aıta júrip, Qytaı tarapynan «beıbit ekspansıanyń» tónip kele jatqany týraly jaq ashpaımyz. Qytaılyqtar búginde elimizdiń barlyq oblystarynda munaıdan basqa mádenı baılanystyń basqa da salalaryn jedel ıgerýge kóshti. Qalalarymyzda qytaılyq meıramhanalar, kafe-asqanalar, dúńirshekter, deldar túrli fırmalar, medısına ortalyqtary, saýda-oıyn saýyq keshenderi ashylyp, tipten bútin bir qytaılyq turǵyn úı aýdandary qalyptasty. Qytaı tilin oqýǵa shaqyrǵan jeke mektepter sany kóbeıdi. Bul bastapqyda «munaı salasyn kóteremiz» dep kelgen qytaılyqtardyń elimizge jaıylýynyń jáne bir joly.
Sóıtip, qytaılyqtardyń isker toptaryna munaıdan basqa mádenı baılanystyń, kásipkerliktiń basqa da túrlerin molynan ıgerýge jol ashyp tastadyq. Buǵan Jer Kodeksi jobasyndaǵy qazaq jerin jalǵa berý baptarynyń ózgerissiz qalýy da qolaıly jaǵdaı týǵyzyp otyr. Muny jergilikti bılik basyndaǵylar bilse de, qarapaıym halyqtan jasyryp otyr. Qytaıdyń Qazaq jerinde óz saıasaty baryn AQSH, Reseı jáne irgemizdegi Evropa sıaqty iri memleketter de sezinip, olar da Qytaıdyń Qazaq jerine boılap enýine alańdaýshylyq bildirýde.
Nurlybaı Qoshamanuly
